Начны клуб “Галактыка” “замініравалі” паміж 00.00 і 00.30 21 снежня. Людзей эвакуіравалі.
Выратавальнікі працавалі вельмі аператыўна – людзі не паспелі нават забраць свае курткі. На размешчаным у адным з тэлеграм-каналаў відэа бачна, што натоўп людзей стаіць на вуліцы. Міліцыя просіць не здымаць. Стаяць машыны хуткай дапамогі, міліцыі, пажарнікаў. Каля 00.30 наведвальнікаў зноў запусцілі ў клуб. Падрабязнасці пакуль невядомыя.
У сувязі з “мінаваннем” перакрылі рух транспарту. Таксісты ноччу скардзіліся на перакрыты рух і раілі калегам шукаць аб’язныя маршруты.
Падобны выпадак быў тыдзень таму. Тады жанчыну не пусцілі ў клуб і яна “замініравала” “Базу”.
