Скарбонка дзіцячага хоспісу 18 снежня папоўнілася на 11 120 рублёў. Столькі ахвяраванняў сабралі ўдзельнікі дабрачыннага вечару ў Кронан Парк Атэлі. Цвіком прагмамы стаў дабрачынны аўцыён за права купіць карціну і даць ёй назву. Мастацкія палотны для аўкцыёна намалявалі разам гродзенскія мастакі, літоўскія і польскія дыпламаты і дзеці з Гродзенскага дзіцячага хоспіса падчас акцыі «Хвалі дабрыні».
Так назвала вечарыну ў Кронане мастацтвазнаўца Наталля Паўленка, адна з арганізатарак пленэру. Па яе словах, акцыя стала падзеяй у культурным жыцці горада. Упершыню над стварэннем карцін працавалі разам каманды з мастакоў, дыпламатаў і дзяцей. «Карціны ствараліся „а-ля прыма“, значыць — адразу. З прафесіяналамі малявалі і тыя, хто раней не спрабаваў нічога падобнага рабіць.»
«Найперш, гэта працы працы дзяцей, сумесная творчасць. Мастакі толькі кіравалі працэсам, трохі падказвалі», — расказвае адзін з удзельнікаў пленэру, Аляксандр Сільвановіч. — Добра, што гэта акцыя скончваецца такім вынікам".
На думку мастака Сяргея Грыневіча, дабрачынны аўкцыён — гэта не той выпадак, каб супернічаць паміж сабой у прафесіяналізме праз кошты прац. «Распродаж у гэтым выпадку — прыемны бонус для нас і для пакупнікоў. Справа ў самой акцыі, у магчымасці падтрымаць дзяцей з хоспіса».
«Калі нейкая з прац прадаецца даражэй, мы толькі парадуемся, бо ўсе сабраныя грошы пойдуць на дапамогу дзецям», — дадае Вацлаў Рамашка. — У гэтыя карціны столькі эмоцыяў і энергіі укладзена, што яны напэўна прынясуць пакупнікам вялікую радасць".
У адрозненні ад калегаў, Вацлаў Спорскі прызнаўся, што вельмі хвалюецца. Для яго удзел у дабрачыннай акцыі такога кшталту — першы досвед. «Тэма хваляў, тэма вады - гэта таксама і пра людзей. Чалавек на вялікую частку складаецца з вады, вада ажыўляе. Хочацца, каб нашыя „Хвалі дабрыні“ таксама ажывілі ў Гродне справу дабрачыннасці».
Ахвяраванні для дзіцячага хоспіса зрабілі ўсе ўдзельнікі вечарыны — уваход быў платны. За квіткі заплацілі 3220 рублёў. Яшчэ 7900 рублёў сабраў аўкцыён па продажы карцін. Самым дарагім лотам стала сумесная праца Евы Карута з дзіцячага хоспіса, якая малявала разам з мастаком Андрэем Філіповічам і консулам з Польшчы Багданам Эмерле.
Працу набыў Васіль Яварчук, бізнесмен у сферы інфармацыйных тэхналогій, заплаціўшы за яе 2100 рублёў. Ён назваў карціну «Усё вяртаецца» і патлумачыў назву:
«Тое, што мы з вамі тут знаходзімся, азначае, што нам у жыцці шанцавала. Некаму з нас пашанцавала нарадзіцца ў добрай сям'і і ў дзяцінстве граць на піяніна ды займацца з рэпетытарамі, некаму пашанцавала мець добрую памяць. Нам усім шмат разоў шанцавала ў кар’еры, выпадала аказацца у патрэбны час у патрэбным месцы. Удача, на маю думку, любіць, каб ёй дзяліліся. Хачу параіць - калі карыстаецеся ўдачай, дапамагайце тым, каму зараз горш. Тады ўдача да вас вернецца, як на гэтай карціне, дзе усё вяртаецца».
Васіль Яварчук расказаў, што не першы раз удзельнічае ў дабрачынных праектах і раней таксама дапамагаў дзіцячым дамам, універсітэтам і школам. «Гэты аўкцыён для мяне — добрая нагода дапамагчы дзіцячаму хоспісу. Дабрачыннасць — шляхетная справа. Мне падаецца, што гэта не трэба рабіць інкогніта. Пра дабрачыннасць абавязкова трэба расказваць, паказваць іншым прыклад, што так можна і трэба рабіць».
Па словах Андрэя Ярашэвіча з Гродзенскага гарвыканкама, сімвалічна, што арганізатары прымеркавалі імпрэзу да перадкаляднай пары. «У гэты час сэрцы напаўняюцца цяплом і хочацца зрабіць штосці прыемнае сваім блізкім. Добра, што ў гэты час не забыліся і на тых, каму дапамога патрэбна ў тысячу разоў больш, бо яны не маюць тых магчымасцяў, што мы маем. Перад калядамі ўвесь свет чакае цудаў. Сёння ў Гродне таксама атрымалася стварыць цуд і падзяліцца дабрынёй».
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…