Фота: imago.by
Літоўскі калекцыянер прапануе купіць гравюру за 2 000 еўра. Пра гэта напісала мінская студыя imago.by. У студыі кажуць, што гравюра сапраўды рэдкая і было б добра, калі б яна трапіла ў беларускі музей. А яшчэ больш каштоўным было б купіць цэлую кнігу, у якой гравюра змешчана.
Гравюра паходзіць з трэцяга тома «Theatrum Cosmographico-Historicum» аўтарства Якаба Капмаера (Jakob Koppmayer) 1686 года. Гісторык Мечыслаў Супрон выказаў меркаванне, што гравюра Капмаера магла быць заснавана на эскізах Тамаша Макоўскага, які выдаў сваю гравюру з выявай Гродна ў 1600 годзе.
— Мечыслаў Супрон вельмі трапна падмеціў цікавую дэталь: гэтая гравюра паказвае Горадню з таго ж ракурсу, што і суперрэдкая гравюра Макоўскага. Але адрозніваецца ў прынцыповых дэталях. А значыць, у гэтых выяў была агульная першакрыніца — вельмі важная для Горадні выява. І раз гэтая гравюра 1686 года бліжэй да рэчаіснасці, чым вядомая нам гравюра Макоўскага, значыць, яна бліжэй і да той невядомай нам выявы.
Тая агульная для гэтых гравюр выява, калі б знайшлася, была б бясцэннай. А пакуль мы яе не ведаем, то гравюра 1686 года ёсць следам, па якім варта ісці і які можна было б дэманстраваць, — кажа Валянціна Андрэева са студыі imago.by. Падрабязней пра гравюру можна прачытаць у артыкуле Мечыслава Супрона.
Калі вы зацікавіліся, напішыце imago.by — яны перададуць вам кантакты прадаўца.
У студыі адзначаюць, што выстаўленая на продаж выява мае невялікі памер і не ў вельмі добрым стане, але гравюры з выданняў Капмаера прадаюцца рэдка. За апошнія амаль 10 год супрацоўнікі imago.by толькі раз бачылі працу Капмаера: гэта была гравюра Вільні, кошт якой у 2016 годзе дасягнуў 800 еўра.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…