У гэтым месяцы на сайце petitions.by з’явіўся перадкалядны зварот да Саўміна і Мінпрацы. Беларусы хочуць адпачываць тры дні запар — з 31 снежня па 2 студзеня. І не адпрацоўваць за гэта па суботах. У Мінпрацы гатовыя разгледзець прапанову, але канчатковае рашэнне — за прэзідэнтам, паведамляе Onliner.by.

Тэкст петыцыі выглядае так: «Мы, ніжэйпадпісаныя, вельмі пераканаўча просім адмяніць прынятую Пастанову ад 09.10.2019 № 688 „Аб пераносе працоўных дзён у 2020 годзе“. І просім зрабіць 31 снежня і 1 2 студзеня (пачынаючы з 2019 і 2020 года і ў наступныя гады) паўнавартаснымі выхаднымі днямі на дзяржаўным узроўні, без пераносаў на іншыя дні. Дадзеныя змены, мяркуем, вельмі станоўча адаб’юцца як на адпачынку грамадзян Рэспублікі Беларусь, так і на іншых сферах грамадскага жыцця (эканамічнай, палітычнай і іншых)».

Пад зваротам пакуль падпісаліся 173 чалавекі.

У прэс-службе Міністэрства працы і сацыяльнай абароны растлумачылі, што выходныя і святочныя дні ў нас вызначаюцца ўказам кіраўніка дзяржавы.

— Але ў любым выпадку мы разгледзім петыцыю, у адрас міністэрства можа быць накіравана прапанова па вызначэнні у тым ліку выхадных дзён і прафесійных святаў, — сказалі ў ведамстве.

2 января — выходной. Опубликовали график переноса рабочих дней в 2020 году