farmaceuticas.com.br
У філіяле «Поречанка» ААТ «Гродзенскі мясакамбінат» у якасці эксперыменту пасадзілі экзатычную для нашых шырот тыбецкую ягаду годжы. Яе маюць намер экспартаваць у Польшчу — цяпер каля 200 кілаграмаў.
У мінулым годзе тут пасадзілі 0,4 гектара годжи. З часам пасадачную плошчу пашыраць да гектара. Саджанцы балгарскай селекцыі набылі ў Польшчы. Прадпрыемства з Кракава гатова закупляць ягаду ў замарожаным выглядзе. Там яе будуць сушыць і адпраўляць у аптэкі, піша sb.by.
Аграном філіяла Вячаслаў Таболін тлумачыць, што ідэя вырошчваць годжи паўстала пасля наведвання плантацыі ў Кракаве. Прыцягвае нядрэнная цана на ягаду — ад пяці даляраў за кілаграм у свежым выглядзе і сямі - у замарожаным. Яна непатрабавальная, не баіцца хвароб і замаразкаў. Догляд за ёй праводзіцца ўручную. Збор можа зацягнуцца на некалькі месяцаў - з канца жніўня і да ўстойлівых маразоў.
Цяпер ідзе працэс рэгістрацыі годжы ў Беларусі і ўнясенне яе ў адпаведны рэестр.
Ягады годжы таксама называюць кітайскім барбарысам. Яны папулярныя ва ўсходняй медыцыне, утрымліваюць шмат карысных рэчываў, лічацца сродкам для пахудання.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…