Спектакль «Зямля Эльзы» 23 кастрычніка ў 19:00 змогуць убачыць не толькі гледачы ў Купалаўскім тэатры, але і ўсе ахвотныя — бясплатна і ў любой кропцы Беларусі. Відэасервіс VOKA арганізуе прамую трансляцыю з Камернай сцэны найстарэйшага тэатра краіны — як працяг спецыяльнага праекта да 100-годдзя Купалаўскага. Трансляцыя будзе даступна выключна ў прамым эфіры — з любой прылады, і ў сетцы любога аператара.
У верасні Нацыянальны акадэмічны тэатр імя Янкі Купалы адкрыў свой соты сезон, які праходзіць пры падтрымцы генеральнага партнёра — кампаніі А1. Адным з яскравых сумесных праектаў, прымеркаваных да юбілейнай даты, стала серыя трансляцый знакавых спектакляў тэатра — па адным на месяц цягам сезона. Трансляцыя распачалася 21 верасня з паказу спектакля «Радзіва «Прудок». Гэтым разам у прамым эфіры можна будзе ўбачыць яшчэ адну з леташніх прэм’ер — спектакль «Зямля Эльзы».
Спектакль пастаўлены рэжысёрам Аленай Ганум паводле п’есы сучаснага расійскага драматурга Яраславы Пуліновіч, якая сама прадстаўляе гэту гісторыю як фантазію пра несучаснае каханне. Галоўныя героі - Рамэа і Джульета, якім за 70, толькі завуць іх Эльза і Васіль, жывуць яны ў вёсцы, абодва нядаўна аўдавелі і перапудзілі сваім раманам аднавяскоўцаў усіх узростаў. У спектаклі задзейнічаны артысты самых розных пакаленняў.
У ролі Эльзы — заслужаная артыстка Рэспублікі Беларусь Наталля Качаткова, а яе каханага выконвае Мікалай Кучыц. У другім складзе — народная артыстка Беларусі Зінаіда Зубкова і заслужаны артыст Рэспублікі Беларусь Уладзімір Рагаўцоў. Таксама ў спектаклі задзейнічаны: заслужаная артыстка Рэспублікі Беларусь Тамара Нікалаева-Апіёк, Ала Ельяшэвіч, Марына Гардзіёнак, Крысціна Дробыш, Аляксандр Паўлаў, Яўгенія Кульбачная, Вікторыя Чаўлытка.
Шматкамерная мастацкая здымка ў высокай якасці дазволіць кожнаму гледачу максімальна паглыбіцца ў атмасферу тэатральнай залы і ўбачыць усё, што адбываецца на сцэне, з розных ракурсаў. Трансляцыя будзе даступна выключна ў прамым эфіры — з любой прылады, і ў сетцы любога аператара пасля аўтарызацыі ў мабільным прыкладанні VOKA, ці на сайце voka.tv па нумары тэлефона.
Гродзенка Вікторыя Талкоўская апублікавала TikTok, у якім папрасіла гараджан назваць самыя змрочныя месцы Гродна. За…
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…