«Вандроўная кнігарня» ад выдавецтва «Логвінаў» завітала ў дворык на Кірава, 3 ў суботу 19 кастрычніка.
«Сустракаючыся з людзьмі з розных гарадоў Беларусі, мы зразумелі, што магчымасць бачыцца з літаратарамі, абмяркоўваць і купляць сучасныя кнігі ёсць толькі ў некаторых гарадах. Таму мы вырашылі змяніць гэтую сітуацыю такім чынам», — кажа арганізатарка падзеі Аляксандра Логвінава.
Наведвальнікі маглі азнаёміцца і набыць новыя кнігі ад беларускіх выдавецтваў. Таксама падчас сустрэчы прайшоў майстар-клас ад Марыі Пушкінай па асаблівасцях мастацкага перакладу на прыкладзе мінскай трылогіі Сяргея Пясецкага. Госці маглі таксама паразмаўляць з філосафам Ігарам Бабковым, лаўрэатам прэміі Гедройца.
Скончылася імпрэза размовай з Аляксандрай Логвінавай, Паўлам Касцюкевічам, Марыяй Пушкінай і Ігарам Бабковым.
Гродна стаў другім горадам у спісе «Вандроўнай кнігарні», першым месцам былі Гальшаны, а далей кнігарня збіраецца завітаць у Маладзечна.
«Гародня была для нас абавязковай праграмай, бо гэта першы буйны горад і ад пачатку гэта быў пераможны варыянт. Мы адразу ведалі, што тут у нас будзе поспех і нас тут будуць чакаць», — сказаў пісьменнік Павал Касцюкевіч.
Арганізатарамі з гродзенскага боку выступілі Цэнтр гарадскога жыцця і этнакрама «Цудоўня».
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…