У аграгарадку Верцялішкі Гродзенскага раёна на адной з цэнтральных вуліц хлопец з бітай і майкай на галаве напаў на мінака, патрабуючы грошай. Ён атрымаў нечаканы адпор.
Каля 10 гадзіны раніцы 13 кастрычніка 18-гадовы хлопец, мясцовы жыхар, на вул. Савецкай з бітай ў руках падышоў да выпадковага мінака. Хлопец нацягнуў сабе на твар майку і, дэманструючы біту, спачатку стаў патрабаваць у незнаёмага мужчыны закурыць, потым — грошай. Атрымаўшы адмову, ён замахнуўся, каб нанесці мужчыну ўдар. Як паведамілі ў міліцыі, нападнік быў у стане алкагольнага ап’янення.
Пенсіянер 1957 года нараджэння не разгубіўся, змог абараніцца ад удару і забраць біту. Зламыснік спалохаўся і ўцёк, а мужчына паведаміў аб тым, што здарылася, у міліцыю. Праз некалькі гадзін юнак быў затрыманы. Яму пагражае артыкул Крымінальнага кодэкса РБ «Замах на рабаванне».
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…