Падчас збору подпісаў выбаршчыкаў для вылучэння кандыдатаў у дэпутаты Палаты прадстаўнікоў сёмага склікання масавых парушэнняў не выяўлена. Пра гэта БЕЛТА паведаміў намеснік старшыні ЦВК Вадзім Іпатаў.
Збор подпісаў ідзе з 8 верасня. Гэты этап парламенцкай кампаніі, паводле ацэнак ЦВК, праходзіць дастаткова арганізавана, выконваецца Выбарчы кодэкс. «Ёсць асобныя парушэнні, але я б не казаў, што яны з’яўляюцца масавымі», — адзначыў Вадзім Іпатаў. Ініцыятыўным групам і канкрэтным вылучэнцам абвешчана каля 30 папярэджанняў. «Пікетаванне, якое вядзецца сёння, мае толькі адну мэту — збор подпісаў. Парушэнні, па якім вынесены папярэджанні, звязаныя з тым, што пікеты выходзяць за гэтыя рамкі», — растлумачыў намеснік старшыні ЦВК.
Ён заклікаў удзельнікаў выбарчай кампаніі выконваць заканадаўства, паколькі пры паўторных парушэннях вылучэнец можа быць не зарэгістраваны ў якасці кандыдата ў дэпутаты.
Па дадзеных на 4 кастрычніка, кандыдатамі ў дэпутаты Палаты прадстаўнікоў сёмага склікання высунуліся 283 чалавекі. Усяго ў выбарчыя камісіі да гэтага часу паступіла 340 камплектаў дакументаў ад удзельнікаў выбарчай гонкі.
Вылучэнне кандыдатаў у дэпутаты завяршаецца 7 кастрычніка. Выбары ў Палату прадстаўнікоў прызначаныя на 17 лістапада, у Савет Рэспублікі - на 7 лістапада.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…