36-гадовы жыхар Гродна Эдуард Здановіч праславіўся пасля налёту на ювелірную краму ў Вене, піша Onliner.by. Цяпер за беларусам і яго неназваным напарнікам ганяецца аўстрыйскі антытэрарыстычны спецназ Cobra. А таксама паліцэйскія суседніх краін. На радзіме ў гэты час дзівяцца: з чаго раптам Эдзіка так панесла?..
Па дадзеных аўстрыйскай паліцыі, раніцай 23 верасня здзейснены налёт на ювелірную краму ў сталічным раёне Флорыдсдорф. Злачынцаў было двое, яны адкрылі стральбу з траўматычнай зброі, потым крэслам разбілі як мінімум адну вітрыну. Пры гэтым супраціў аказалі ўладальнік крамы і яго дарослая дачка.
Калі налётчыкі сталі ўцякаць, гаспадар установы спрабаваў яго дагнаць іх — не злавіў. Злачынцы селі ў падрыхтаваную машыну і з’ехалі. У ходзе нападу ювелір і яго дачка былі параненыя. Колькі каштоўнасцяў паспелі схапіць, пакуль незразумела. Аўстрыйцы абвясцілі агульнанацыянальны вышук.
Неўзабаве машыну знайшлі разбітай кіламетрах у 15 ад славацкай мяжы. Паліцыя лічыць, што другой машыны ў гэтым ДТЗ не было.
Мабыць, па машыне выйшлі на імя Эдуарда Здановіча — ён купіў яе незадоўга да гэтых падзей. Фота беларуса з’явілася ў паліцэйскай арыентоўцы.
Паліцыя папярэджвае: Здановіч і яго неназваны напарнік могуць быць узброеныя і гатовыя да гвалту.
Эдуард Здановіч родам з Гродна. Яго знаёмыя зараз з велізарным здзіўленнем чытаюць вестачкі пра суайчынніка, якога не бачылі на радзіме ўжо даволі даўно.
— Наогул не чакаў, што ён менавіта так нагадае пра сябе, — Ігар і не ўспомніў бы старога знаёмага, калі б не гэтая паліцэйская інфармацыя. — Я ў шоку…
Аляксей — сябар Эдуарда. Нягледзячы на ўсе гэтыя арыентоўкі, не верыць, што гэта пра Здановіча. Пералічвае стандартны набор якасцяў:
— Ён добры, дапамагаў у любых просьбах, на яго заўсёды можна было спадзявацца. Таму не хочацца верыць, што ён на такое пайшоў. А нават калі пайшоў, то не ад добрага жыцця.
Эдуард з’ехаў з краіны гады тры таму, жыў у Польшчы, заняўся грузаперавозкамі. Нават, кажуць, спрабаваў стварыць сваю фірму, але здарылася нейкая цёмная гісторыя. «Спалілі машыну» — на гэтым бізнэс скончыўся. Пасля гэтага працаваў ужо наёмным кіроўцам грузавіка, вазіў тавары па Еўрасаюзу.
— Нармальны чалавек, машыны любіць, спорт, у спартзалу хадзіў… — успамінае Віктар, які з паўгода таму кантактаваў з цяперашнім падазраваным па цалкам мірных «дальнабойных» справах. — Быццам бы ў маладосці ў яго была судзімасць, але ў зносінах гэта ніяк не праяўлялася. Па маладосці ж усякае бывае.
На самай справе судзімасць Эдуарда звязаная з наркотыкамі. Распавядаюць, што гадоў 7 назад ён трапіўся на мяжы з дрэннымі рэчывамі.
— Ды яго падставілі… — распавядаюць блізкія Эдуарда. — Сябар папрасіў прывезці з Польшчы, на мяжы і ўзялі.
У Гродне ў Эдуарда жывуць бацька-інвалід і мама. Жонкі і дзяцей не займеў.
Бацька запэўнівае, што сын апошні раз тэлефанаваў у пачатку верасня. Казаў, што збіраецца праз месяц прыехаць у Беларусь, але цяпер, напэўна, затрымаецца.
— Ды мы самі яго шукаем, — хвалюецца мужчына. — Чамусьці не выходзіць з імі на сувязь… Ён працаваў у Польшчы, а ў Нямеччыну груз нейкі вазіў, тады і тэлефанаваў. А з таго часу ні слыху ні духу.
Па словах бацькоў, пасля калоніі Эдуард узяўся за розум. Скончыў інстытут, у які паступіў яшчэ да гісторыі з наркотыкамі. Атрымаў дыплом па правазнаўстве. Але па гэтай спецыяльнасці не працаваў, падаўся ў грузаперавозкі.
А затым, падобна, і ў ювелірную справу…
Пракурор Вены выдаў ордэр на арышт беларуса. Яго шукаюць ўся паліцыя Аўстрыі і бацькі.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…