Сёння, 13 верасня, каля 13:30 у мікрараёне Фолюш адбылося надзвычайнае здарэнне: на скрыжаванні вуліц О.Соламавай і Л.Чайкінай абарваліся тралейбусныя лініі адразу двух кірункаў. Драты паваліліся на праезную частку, пашкодзіўшы два аўтамабілі, піша autogrodno.by. Спецыялісты кажуць, што гэта мінімальныя наступствы, якія толькі маглі быць.
Грузавік з маніпулятарам рухаўся з боку вуліцы Савецкіх памежнікаў. Маніпулятар забыліся скласці, ён знаходзіўся ў верхнім становішчы. На шляху да скрыжавання ён чапляў галіны дрэў, тыя ламаліся і падалі на праезную частку, але кіроўца гэтага не заўважаў.
Выехаўшы на перакрыжаванне, маніпулятар зачапіўся за тралейбусныя лініі, абарваўшы адразу два кірункі.
На месца прыбылі супрацоўнікі МНС, Дзяржаўтаінспекцыі і спецыялісты аварыйнай службы кантактных сетак.
Відавочцы казалі, што бачылі, як драты іскрылі на асфальце, але лінію хутка абясточылі.
Пакуль спецыялісты яшчэ толькі прыступалі да працы па аднаўленні сеткі, пешаходы пераступалі, а аўтамабілі пераязджалі абарваныя правады.
Вага трымальніка лініі (шыны) парадку 1 кілаграма:
Усе тралейбусы спыніліся. Вялікая пробка сабралася з боку ГЦ «Фламінга».
Вышыня маніпулятара каля 5 метраў. Яго папросту забыліся скласці, скончыўшы працы.
У момант абрыву на скрыжаванні знаходзіліся Mercedes і Volkswagen. Яны рухаліся ў сустрэчных кірунках. Кантактная лінія ўпала на абодва аўтамабіля. Больш за ўсё пашкоджаны кузаў Mercedes, пацёртасці да металу бачныя літаральна на кожным элеменце.
Кіроўца Mercedes распавёў, што ехаў якраз за грузавіком і бачыў, як ад маніпулятара ламаюцца галіны дрэваў. Ён нават не падумаў пра небяспеку на перакрыжаванні.
Другі пашкоджаны аўтамабіль:
Трэба аддаць належнае спецыялістам аварыйнай службы. Яны працавалі максімальна хутка і прафесійна. Пакуль рыхтавалі рэпартаж, супрацоўнікі службы аднавілі ўсе лініі, якія паваліліся на скрыжаванне.
Аднак, неўзабаве спецыялісты выявілі, што застаецца вялікае правісанне. Аказалася, мацаванні сарвала нават ля канцавога прыпынку.
Супрацоўнікі «Тралейбуснага ўпраўлення» распавялі, што наступствы ад абрыву лініі былі мінімальнымі. Пашанцавала, што побач не было пешаходаў і асфальт не быў вільготным. Напружанне ў кантактнай сетцы тралейбуса амаль 600 вольт.
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…