У апошні вечар лета ва ўнутраным дворыку былой пальчаткавай фабрыкі грала музыка, працаваў фудтрак, а мясцовыя кавярні арганізавалі месцы для адпачынку. Развітанне з летам арганізавалі дзяўчаты з фотастудыі «Фабрыка».
Ідэя зрабіць нешта падобнае з’явілася цалкам спантанна. «Проста хацелі зрабіць завяршальную вечарыну лета, каб ужо ў наступным годзе гэта стала традыцыяй», — кажа адна з арганізатарак Каця.
У будучыні яны плануюць рабіць больш такіх вечарын, але як часта яны будуць адбывацца, Каця дакладна не ведае. «У залежнасці ад ідэй плануем ладзіць разнастайныя вечарыны. З задавальненнем будзем рабіць вечарыны розных стыляў і фарматаў, запрашаць розных DJ».
Усе ўдзельнікі сёлетняй вечарыны гэта сябры і знаёмыя дзяўчат з «Фабрыкі», таму арганізаваць усё было нескладана. Арганізатаркі таксама аформілі інсталяцыі. На падрыхтоўку дакументаў пайшло шэсць дзён.
Уваход на вечарыну быў вольным, але кожны меў магчымасць ахвяраваць любыя грошы на развіццё.
Памяшканні пальчаткавай фабрыкі па вул. Маставой 31 за апошнія гады з прамысловых пераўтварыліся ў забаўляльныя. Лакацыя стала адной з самых папулярных у горадзе, тут працуе адразу некалькі кавярняў і бараў. Новыя ўстановы працягнуць там з’яўляцца, а наступным летам у дворыку з’явяцца летнія пляцоўкі.
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…