У хатнім матчы 20-га тура чэмпіянату Беларусі «Нёман» пацярпеў паразу ад мінскага «Дынама» — 0:1. Адзіны мяч у сустрэчы забіў Ятчанка на 53-й хвіліне матчу.
У гэтым годзе «Нёман» гуляе вельмі няўдала на родным стадыёне. У дзесяці матчах толькі адна перамога і чатыры забітыя галы ў вароты праціўніка.
«Нёман» — «Дынама-Мінск» — 0:1
Пасля паразы ў Гродне «Нёман» знаходзіцца на 9-м радку ў турнірнай табліцы і мае ў сваім актыве 23 ачка.
Наступную гульню гродзенцы правядуць 14 верасня ў Жодзіне, дзе сустрэнуцца з мясцовым «Тарпеда-БелАЗ».
