Адукацыйныя семінары для лекараў і бацькоў, што апякуюцца дзецьмі з інваліднасцю пройдуць у Гродзенскім дзіцячым хоспісе з 12 па 16 жніўня. Заняткі правядуць лекары з Беларускага дзіцячага хоспіса. Навучанне будзе карысным таксама для інструктараў ЛФК, медсётраў па масажу, псіхолагаў, дэфектолагаў, выхавацеляў ды іншых асобаў, хто кантактуе з невылечна хворымі дзецьмі.
«Кожны год свет мяняецца тэхналагічна і аказанне паліятыўнай дапамогі цяжкахворым дзецям таксама павінна ўдасканальвацца. З гэтай мэтай нашыя спецыялісты выязжаюць для атрымання новых ведаў і хоспіс запрашае прафесіяналаў у Гродна. Наступны тыдзень будзе вельмі насычанам на экспертаў у паліятыўнай дапамозе. Таму запрашаем усіх ахвотных удасканаліць свой прафесіяналізм. Такая вучоба адбываецца ў Гродне ўпершыню і мы вельмі спадзяемся, што гэта дапаможа дзецям з цяжкай інваліднасцю жыць якасней», — кажа кіраўнічка Гродзенскага дзіцячага хоспіса Вольга Вялічка.
Семінар «Бяспечнае кармленне. Тэрапія глыпання» запланаваны на 12 жніўня, ад 9.00 да 15.00.
Семінар-трэнінг «Абілітацыя і псіхалогія цяжкахворых дзяцей: як правільна навучыць бацькоў» пройдзе 13 жніўня ад 9.00 да 16.00. Семінар прадугледжвае таксама заняткі ў сэнсорным пакоі.
Будзе магчымасць атрымаць веды пра масаж, ЛФК, парадак узаемадзеяння са спецыялістамі, фізічную тэрапію, правілы падбору індывідуальных сродкаў рэабілітацыі.
Для ўдзелу трэба запісацца па тэлефоне + 375 297 828 377
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…