На Савецкай плошчы ў аўторак 6 жніўня працоўныя разабралі летняе кафэ «Ля палаца», якое знаходзілася каля былога Палаца культуры тэкстыльшчыкаў. Хутка там пачнецца рэканструкцыя, якую плануюць скончыць у 2020 годзе.
Раней у інтэрнэце з’яўлялася інфармацыя, што пасля рамонту ў былым Палацы культуры тэкстыльшчыкаў плануюць размясціць творчыя калектывы горада і ЗАГС. Заканчэнне ўсіх работ запланавана да лета 2020 году — да Фестывалю нацыянальных культур, які праходзіць у пачатку чэрвеня.
