Фото: Kimberly Farmer, unsplash.com
17 ліпеня ў абітурыентаў была апошняя магчымасць канчаткова вызначыцца з факультэтам, прыёмныя камісіі зачыніліся ў сераду роўна ў 18 гадзін. Конкурс склаўся практычна на ўсіх спецыяльнасцях. Якія прафесіі апынуліся найбольш запатрабаванымі, распавядае grodnoplustv.by.
Кантрольныя лічбы прыёму на бюджэтную форму навучання ў аграрным універсітэце такія ж, як і ў мінулым годзе — 405 чалавек. На 405 бюджэтных месцаў было пададзена 569 заяў і конкурс у сярэднім склаў 1,4 чалавека на месца. Найбольшы конкурс назіраўся на спецыялізацыю «Тэхналогія хлебапякарнай, макароннай і кандытарскай вытворчасці і харчовыя канцэнтраты» — каля 3 чалавек на месца. Меншы конкурс назіраўся на сельскагаспадарчыя спецыяльнасці.
У Гродзенскім дзяржаўным медыцынскім універсітэце ўжо дакладна вядома, хто паступіў на бюджэт. Тут усё залежала ад агульнага бала атэстата і цэнтралізаванага тэставання па профільных прадметах. Нягледзячы на тое, што на бюджэт у гэтым годзе набіралі на пяцьдзесят чалавек больш, чым у мінулым, конкурс на спецыяльнасці захаваўся і немалы. Найвышэйшы бал — 376 — у абітурыента на лячэбным факультэце. Адзін чалавек паступіў без уступных экзаменаў. Ён пераможца рэспубліканскай алімпіяды па прадмеце «Біялогія». Па профілях прадметаў - па хіміі і па біялогіі са сто баламі парадка дзясятка чалавек. Вынікі будуць 22 чысла апублікаваныя на сайце.
У Гродзенскі дзяржаўны універсітэт імя Янкі Купалы ўсе месцы на бюджэт былі занятыя яшчэ за дзень да заканчэння набору. У купалаўскі ўніверсітэт на педагагічныя спецыяльнасці, а таксама на прафесіі, звязаныя з эканомікай і фінансамі дакументы падалі адразу больш за трыццаць хлопчыкаў і дзяўчынак, маючы залаты медаль, або атэстат з адзнакай. Усяго на бюджэт у гэтым годзе тут набрана на 186 чалавек больш, чым у мінулым.
Прыём дакументаў на многія спецыяльнасці ў гродзенскія ВНУ на бюджэтную форму навучання скончаны. Аднак, ёсць нямала прафесій, дзе не столькі усё залежыць ад ЦТ, колькі вырашаюць балы на творчых іспытах. А значыць, застаецца набрацца цярпення і чакаць.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…