Як будуецца мікрараён на Лідскай, спраектаваны як «Горад у горадзе»

Гэты раён зараз называюць самым прэстыжным у Гродне. І справа нават не ў геалакацыі. Мікрараён на Лідскай спраектаваны па прынцыпе «Горад у горадзе», дзе ў межах некалькіх кварталаў будуць сканцэнтраваны не толькі сучасныя дамы, але і ўся неабходная інфраструктура. Калі тут пачнуць адзначаць першае наваселле і як зменяцца транспартныя развязкі вакол прэстыжнага раёна, расказвае grodnoplustv.by.

Актыўнае будаўніцтва тут пачалося крыху больш за год таму, вясной 2018, і цяпер ужо практычна гатова заходняя частка новага мікрараёна. Тры дамы зменнай паверхавасці ўжо аформлены ў адзінай каляровай гаме, і хутка прыймуць першых жыхароў. Яшчэ адзін будзе здадзены ў эксплуатацыю ў жніўні. Ва ўсходняй частцы мікрараёна пакуль вядуцца толькі падрыхтоўчыя працы. Менавіта тут будуць сканцэнтраваны самыя арыгінальныя будынкі.

— Вышынныя дамы шматпавярховыя — іх адметнай асаблівасцю з’яўляецца ўсходняя частка мікрараёна, якая выканана ў маналітным каркасе з характэрнай пластыкай фасадаў і крывалінейнымі планамі, — кажа Алег Валканоўскі, галоўны архітэктар «Гроднажылбуда».

Дзякуючы архітэктурнаму рашэнню ў выглядзе хвалепадобных выгібаў, праекціроўшчыкі пра сябе ўжо празвалі гэтыя дамы «чарвячкамі». Сваёй высотнай часткай, разлічанай на 16 паверхаў, яны будуць павернутыя ў бок Румлёўскага маста, апошні пад’езд будзе глядзець у цэнтр мікрараёна і мець усяго 8 паверхаў. Тут жа ўзвядуць дзве 19-павярховыя вежы-свечкі і серыю дамоў паніжанай паверхавасці. Дарэчы, акрамя новай прапіскі, навасёлаў парадуе тут многае.

Бо амбіцыйны праект, які зараз ўвасабляюць у жыццё будаўнікі, задуманы па прынцыпе — «горад у горадзе». На 28 гектарах, дзе раней размяшчаўся ваенны гарадок, з’явяцца не толькі дамы, але і ўся неабходная інфраструктура. У першую чаргу гэта дзіцячы сад, які акрамя дашкалят будуць таксама наведваць і вучні 1−4 класаў. Старэйшыя хлопчыкі і дзяўчынкі будуць тэрытарыяльна замацаваны за 11-й школай. Для камфортнага шопінгу тут ўзвядуць гандлёвы цэнтр, таксама адкрыюць аддзяленне сувязі, і шэраг аб’ектаў сацыяльнага абслугоўвання. Зоны паркоўкі вынесуць на перыферыю жылых кварталаў. Гэта значыць, заезд у двары дазволены толькі спецтранпспорту, гэта хуткія, МНС і іншыя службы. Асабістыя аўтамабілі змогуць уязджаць на дваровыя тэрыторыі толькі ў момант засялення для разгрузкі. Шэраг новых рашэнняў плануецца і ў развіцці транспартнай сеткі вакол мікрараёна.

— Намечана рэканструкцыя вуліцы Белуша з пашырэннем скрыжавання і ўладкаваннем светлафорнага рэгулявання, уладкаваннем зялёнай паласы па вуліцы Белуша. Далей ад Белуша ідзе рэканструкцыя вуліцы Лідскай. Праз міні-кальцо, якое прадугледжана ў мэтах хуткаснага рэжыму замест «спячых паліцэйскіх» ідзе падаўжэнне вуліцы Лідскай да вуліцы Прыгараднай, — кажа Алег Валканоўскі.

Па перыметры з’явіцца яшчэ адна вуліца, якая зараз умоўна названая Праектуемая. Яна стартуе ад назіральнай пляцоўкі ДАІ і па задумцы злучыцца з Прыгараднай, стварыўшы своеасаблівую пятлю вакол новага мікрараёна. Што тычыцца больш доўгатэрміновых перспектыў у развіцці транспартнай сеткі, тут новаўвядзенні, хоць і звязаныя з будаўніцтвам новага раёна, ўсё ж будуць увасоблены за яго межамі. Гаворка ідзе пра сучасную чатырохпалоску, якая злучыць трасу М6 з вуліцай Антонава. Таксама, з’явіцца і дадатковы выезд з новага мікрараёна на Румлёўскі праспект. Ён будзе абсталяваны з дапамогай двухузроўневай развязкі. Рашэнне гэтага дарожнага пытання будзе рэалізавана ўжо бліжэй да 2030 года.

Апошнія запісы

Літва забараніла перасякаць мяжу на матацыклах і мапедах — іх стала занадта шмат

Зараз праз памежныя пераходы ў Медынінкай (з беларускага боку Каменны Лог) і Шальчынінкай (Беняконі) можна…

16 красавіка 2025

У Гродне прадаюць вядомы начны клуб — з абсталяваннем, штатам і базай кліентаў

У Гродне на продаж выставілі начны клуб "Калізей 2000". Ён прадаецца як гатовы бізнес. Паглядзелі,…

16 красавіка 2025

У Гродне прадаюць падвал з дызайнерскім рамонтам

Прадаюць камерцыйнае памяшканне ў падвале будынка на вул. Савецкіх Пагранічнікаў, 17. Там дызайнерскі рамонт у…

16 красавіка 2025

У Гродне прадаюць маёмасць фірмы «Новое зрение». Клініку пазбавілі ліцэнзіі - яна сышла з Беларусі

У Гродне з аўкцыёну прадаюць памяшканне афтальмалагічнага цэнтра "Новое зрение" на вул. Леніна, 13-3. У…

15 красавіка 2025

У Гродне адкрыўся «партал у 90-я» — чарачная DEHDИ. Уладальнікі адсылаюць да рускіх фільмаў

Чарачная “са смакам дзяцінства” DEHDИ адкрылася ў Гродне на вул. 1-й Працоўнай, 8. Уладальнікі абяцаюць,…

15 красавіка 2025

У Гродне з’явіўся «пакой лютасці» — там легальна можна знішчаць рэчы і тэхніку

У Гродне на Лідскай, 15А адкрыўся "пакой лютасці". Ва ўстанове пад назвай «Дебошь» можна скінуць…

15 красавіка 2025