«Збірай сваіх, едзем у Ліду!»: Выбірай, каго хочаш пабачыць на LIDBEER

На сайце юбілейнага фестывалю хмелю, соладу і вады LIDBEER 15 ліпеня стартаваў адбор удзельнікаў у катэгорыях «малая сцэна», «фудкорт», «рамёствы», «забавы», у якім могуць прыняць удзел усе беларусы.
LIDBEER — адзіны інтэрактыўны фестываль у Беларусі. Штогод арганізатары даюць магчымасць усім жадаючым прыняць удзел у стварэнні аднаго з буйнейшых open-air.

Як галасаваць
Галасаванне будзе праходзіць анлайн на сайце lidbeer.by у раздзеле «Галасаваць» з 15 ліпеня па 4 жніўня. Пры пераходзе на сайт з’явіцца вакно, дзе неабодна ўвесці нумар свайго тэлефона. З дапамогай атрыманага па sms 13-значнага кода вы зможаце аддаць голас за лепшага, на вашу думку, прэтэндэнта на ўдзел у LIDBEER-2019. 1 код дае магчымасць прагаласаваць чатыры разы.

Пры гэтым галасы паміж катэгорыямі можна размяркоўваць па уласным жаданні. Напрыклад, 1 голас за «фудкорт», 3 галасы за «малую сцэну»; ці 2 галасы за «рамёствы», 2 галасы за «забавы»; ці 4 галасы за адну катэгорыю і г. д.

Стартуй на малой сцэне

З кожным годам цікавасць да малой сцэны LIDBEER прыкметна расце. Сёлета за права выступіць на фестывалі будуць змагацца 72 музычныя гурты. Гэта амаль утрая больш, чым у папярэднія гады.
Малая сцэна фестывалю — выдатная платформа для старту музычнай кар’еры. Ён дае магчымасць маладым музыкантам заявіць пра сябе і выступіць перад шматтысячнай публікай. У розныя гады на малой сцэне LIDBEER выступалі вядомыя сёння гурты NaviBand, NIZKIZ, «Мутнаевока», «ЧуVство Полета»,
Yellow Arc 6.

На малой сцэне фестывалю выступяць пяць гуртоў, якія апынуцца ў топе галасавання. Пераможца музычнага адбору адкрые гала-канцэрт 2020 года, на сцэне якога заўсёды выступаюць легендарныя гурты.
Сёлета фестывалю LIDBEER спаўняецца 5 гадоў. Кожны год людзі з усёй краіны прыязджаюць, каб адчуць сапраўдны драйв і атрымаць асалоду ад вольнай атмасферы. 7 верасня на цэнтральнай пляцоўцы open-air — галоўнай сцэне — выступяць гурты з Беларусі, Украіны і Расіі Artic Yellow 6, «Молчат дома»,
Akute, папулярныя поп-панкі «АГОНЬ», «Элджей» і культавыя «СПЛИН» и «ЧАЙФ».
LIDBEER — зробім гучна!
Уваход на фестываль вольны. Кошт квіткоў на пляцоўку гала-канцэрта — 29 BYN.