Біг-Міні фестываль вулічнага мастацтва — гэта вялікая штогадовая падзея, якая збірае артыстаў розных жанраў і кірункаў у самым сэрцы Гродна. 27 ліпеня каля 350 артыстаў выйдуць на вуліцу Савецкую, каб адкрыць дзверы ў свет вулічнага мастацтва. Музыканты, танцоры, вулічныя тэатры, жывыя статуі, хадулісты, майстры фаер-шоу будуць здзіўляць гараджан з 16.00 да самай поўначы.
Фестываль пачнецца з традыцыйнага маляўнічага шэсця ўсіх удзельнікаў з пл. Леніна да сцэны ля МЦ «Гродна». Ўзначальваць шэсце будзе школа карнавальнай самбы і бразільскіх барабанаў Raccoon Batucada (г. Мінск).
У цэнтры Гродна размесціцца каля 10 творчых пляцовак: музычныя, танцавальныя, тэатральныя, перформансныя. Паўтарыгадзінны фаер-шоу будзе чакаць гледачоў у 23.00 у парку Жылібера (раён скульптуры «Русалка»).
Восьмы міжнародны фестываль збярэ артыстаў з сямі краін: Іспаніі, Італіі, Польшчы, Украіны, Расіі, Літвы і Беларусі. Паколькі мерапрыемства не з’яўляецца камерцыйным, прывезці замежных гасцей не першы год дапамагае галоўны спонсар Біг-Міні фестывалю СТАА «МТС».
— Кожны год нам падаюць заяўкі на ўдзел каля 100 творчых калектываў з усёй Беларусі і краін блізкага замежжа. Аднак мы стараемся аддаваць перавагу толькі самым яркім і прафесійным артыстам. У прыярытэце калектывы з унікальнай аўтарскай падачай, уласным гучаннем і незвычайнымі пастаноўкамі, — распавядае адна з арганізатарак фестывалю, Анастасія Роўба.
Акрамя традыцыйных для фестывалю напрамкаў, у горадзе можна будзе ўбачыць дзве фотавыставы, а таксама некалькі інтэрактыўных тэатральных перформансаў ад сталічных гасцей.
8 Біг-Міні Фэстываль пройдзе ў канцэпцыі «Адчыняючы дзверы ў мастацтва».
— Кожны чалавек гэта свайго роду дзверы ў яго ўнікальны ўнутраны свет. Падчас працы артысты становяцца такімі своеасаблівымі дзвярыма для гледачоў, адкрываюць для іх свет мастацтва. Наш фестываль імкнецца быць максімальна безбар’ерным для ўсёй публікі. Таму у 2019 годзе мы заклікаем усіх не стаяць на парозе мастацтва, а смела ўрывацца ва ўсю яго разнастайнасць без груку, — дадала Анастасія.
Гасцей фестывалю таксама чакаюць цікавыя арт-аб'екты і інсталяцыі з дзвярэй.
Арганізатарамі фестывалю з’яўляюцца Гродзенскі гарадскі выканаўчы камітэт, Гродзенскі гарадскі цэнтр культуры і івэнт-агенцтва «Бибам».
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…