Наезд адбыўся 10 ліпеня на вуліцы Гагарына ў Гродне, паведамляе grodno.mvd.gov.by.
Аўтамабіль «KIA» рухаўся з боку Гарнавых, калі дзесяцігадовы хлопчык выбег на праезную частку. З правага боку ад транспартнага сродку было прыпаркавана яшчэ пяць машын, якія абмяжоўвалі агляд. Кіроўца паспеў праехаць міма трох з іх, калі дзіця выбегла на дарогу. Непаўнагадовы моцна стукнуўся галавой і быў змешчаны ў бальніцу. Дарэчы, пацярпелы выбег на праезную частку па-за пешаходным пераходам. Па дадзеным факце УСК па Гродзенскай вобласці распачата крымінальная справа.
— Дзіця знаходзіцца ў рэанімацыі, да нас яно паступіла з траўмай галавы. Стан цяжкі, але стабільны. Наогул летам колькасць зваротаў з нагоды дзіцячага траўматызму павялічваецца. У асноўным гэта вулічныя траўмы. Неасцярожна катаюцца на арэлях, выбягаюць на дарогу ў неналежным месцы, часта сустракаюцца траўмы з прычыны падзенняў, — распавёў лекар-траўматолаг Гродзенскай дзіцячай абласной клінічнай бальніцы Аляксандр Чылімцаў.
З пачатку гэтага года ў вобласці ў ДТЗ загінулі двое дзяцей. Усяго з удзелам непаўналетніх адбылося 18 аварый, 5 з іх — з дзецьмі, якія рэзка выскачылі на дарогу з-за прыпаркаваных машын.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…