На выхадных гродзенец правёў незвычайную антыалкагольную кампанію. Нецвярозы мужчына ў краме запусціў бутэлькай у вітрыну з алкаголем і разбіў прадукцыю, якая на ёй стаяла.
Гродзенец 1981 г. н. ўжываў спіртное дома ў выхадны дзень. Пасля, як піша прэс-служба УУС Гродзенскага аблвыканкама, ён пайшоў прагуляцца. Праходзячы каля крамы, зайшоў і папрасіў прадаўшчыцу націснуць трывожную кнопку. Затым са стэлажа ўзяў бутэльку гарэлкі і кінуў яе ў вітрыну, разбіўшы на ёй яшчэ пяць бутэлек з алкаголем. Выйшаўшы з крамы, стаў чакаць міліцыянтаў, якія яго і затрымалі.
Да гэтага мужчына не прыцягваўся да крымінальнай адказнасці. Свой учынак ён патлумачыў тым, што хацеў завязаць са спіртным і ўжываць яго нікому не варта. Міліцыя распачала крымінальную справу па ч. 1 арт. 339 Крымінальнага кодэксу Рэспублікі Беларусь — «Хуліганства» (грамадскія работы, або штраф, або папраўчыя работы на тэрмін да двух гадоў, або арышт на тэрмін да шасці месяцаў, або пазбаўленне волі на тэрмін да трох гадоў).
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…