Падвешаная кава — гэта аплачаная кава, якую пакінулі для іншага кліента. Так рабілі ў Неапалі, каб выпіць кавы маглі бяздомныя і тыя, хто не можа сабе гэта дазволіць. Цяпер традыцыя дайшла да Гродна — у нас падвешаная кава ёсць у кавярні «КоФеКо» і ў «Гарадзенскай кавярні».
У арыгінале гэта называецца сaffè sospeso. Кліент атрымае адзін кубачак кавы, а заплаціць за два. За кошт гэтага, бяздомныя і беднякі могуць дазволіць сабе зайсці ў кафэ і спытаць, ці не «прытрымаў» барыста лішняга напою. Калі да гэтага хто-небудзь з наведвальнікаў замаўляў «каффэ саспэза», то афіцыянт можа пачаставаць кліента бясплатнай кавай. У Еўропе традыцыя прыжылася і… памерла, а ў Гродне такое толькі пачынае практыкавацца.
У кавярні «КоФеКо», якая нядаўна адкрылася, кажуць, што гэтым карыстаюцца. У дзень тут пакідаюць адну-дзве падвешаныя кавы.
— Забіраюць з хуткасцю святла. Карыстаюцца магчымасцю абсалютна ўсе, не скажу, што бедныя. Бачаць, што ёсць смачная кава — ведаюць прыкладна яе смак, і забіраюць, — кажа барыста.
www.instagram.com/p/Bw9−6HVHQ51/
Убачыць, ці ёсць падвешаная кава, можна на дошцы каля стойкі. Дырэктар установы Таццяна кажа, што хацелася б частаваць тых, хто не можа сабе гэта дазволіць, як гэта было першапачаткова задумана. Распавядаць пра такую опцыю спрабуюць праз інстаграм.
У «Гарадзенскай кавярні» ужо не памятаюць, калі апошні раз пакідалі падвешаную каву. Кажуць, яшчэ ў мінулым годзе. Хоць кліентам распавядаюць пра такую акцыю, і яны цікавяцца.
— Неактуальна, ці што. Людзі не разумеюць, што гэта такое. У Гродне ў прынцыпе такога няма. У Мінску так — гэтым карыстаюцца больш. У нас у прынцыпе культура піцця кавы не развітая. Для моладзі гэта актуальна, а для людзей ва ўзросце… старой загартоўкі людзі, — кажа барыста Ілона.
www.instagram.com/p/BzCwFxVosXi/
Яна лічыць, што для прасоўвання ідэі патрэбна добрая рэклама. І каб падобнае ўводзілася не ў адной-дзвюх кавярнях, а больш маштабна. Гэта было б важна для развіцця кававай культуры ў горадзе ў цэлым.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…