21 чэрвеня ў Будапешце прайшло пасяджэнне IIHF, прысвечанае розыгрышу Кантынентальнага кубка ў сезоне-2019/20. На ім удзельнікі турніру былі разбітыя на групы, а таксама вызначаны месцы правядзення папярэдніх раўндаў.
Сярэбраны прызёр чэмпіянату Беларусі “Нёман” прыме старт у Кантынентальным кубку з трэцяга раўнда. Гродзенцы патрапілі ў групу “F”, дзе іх супернікамі стануць “Бейбарыс” (Казахстан) і “Краковія” (Польшча).
Міні-турнір з 15 па 17 лістапада 2019 года прыме Кракаў. Нагадаем, “Нёман” выйграваў Кантынентальны кубак у 2015 годзе пад кіраўніцтвам Васіля Спірыдонава. У трох наступных сезонах гродзенскі клуб прадстаўляў Беларусь у Лізе чэмпіёнаў.