Гродзенец Яраслаў Семінскі 25 чэрвеня паспрабаваў пабіць рэкорд Гродна па адцісканнях, які паставіў Аляксей Сцяпанычаў у пачатку месяца. За гадзіну Аляксей адціснуўся 1500 раз. Наш чытач змог толькі 300 разоў за 20 хвілін.
«Я паспрабаваў кінуць выклік Аляксею, але дрэнна пачаў. Стартаваў са 100 разоў і зразумеў, што памыліўся. Рукі адразу забіліся і далей рабіць ужо было цяжка. У выніку 300 разоў за 20 хвілін, далей вырашыў не працягваць. Зрабіць 1500 раз вельмі цяжка. Я не здаюся, буду трэніравацца і паспрабую яшчэ раз», — сказаў Яраслаў. Ён займаецца воркаўтам кожны дзень.
Аляксей Сцяпанычаў сачыў за Яраславам у прамым эфіры. У самым пачатку ён заўважыў памылку хлопца.
«Яраслаў адразу шмат зрабіў і закісліўся: у цягліцах назапасілася малочная кіслата, што ўскладняе нервовую праводнасць і стварае праблему з выкананнем цягліцавых скарачэнняў. Тут трэба размеркаваць сілы на ўсю дыстанцыю. Лепш менш рабіць, але часцей. Яраслаў - першы, хто кінуў мне выклік у горадзе. Насамрэч 1500 адціснуцца — не лёгкі занятак. Я гадамі да гэтага ішоў. Спецыяльна не рыхтаваўся, проста адцісканні ў мяне добра ідуць, ды і вынослівасці хапае. Яраслава і іншых гродзенцаў запрашаем на трэніроўку на прыродзе, якая праходзіць кожную нядзелю ў 16:00 у лясны масіў на Паповіча».
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…