Замежнікі, якія едуць у Гродна шукаць свае карані, прывозяць не толькі гісторыі пра эміграцыю сваякоў, але і цікавыя фатаграфіі. Прадстаўляем вам здымкі Якаба-Саламона Левіна, які зрабіў іх, як мяркуецца, па заканчэнні Першай сусветнай вайны ў Гродне. Яго нашчадкі прыязджалі ў Беларусь 7 чэрвеня.
Гэтыя фатаграфіі праляжалі ў швейцарскім Базелі ў нашчадкаў Якаба-Саламона 100 гадоў, пакуль яны не прывезлі іх у Гродна.
Семья Левин из Швейцарии приехала искать в Гродно свои корни
«У нас мала інфармацыі наконт сям'і, мы прыехалі ў Гродна ўпершыню, каб хоць нешта даведацца, — распавядае Мануэль Левін. — Ведаем, што прадзед Якаб-Саламон Левін нарадзіўся ў 1883 годзе ў гэтым горадзе і прыкладна ў 1906 годзе ён эміграваў. Ён быў прадаўцом і апынуўся ў Швейцарыі. Адразу пасля Першай сусветнай вайны ён наведаў родны горад. Пасля гэтай паездкі ў яго захаваліся фатаграфіі. Але мы не ведаем, ці Гродна гэта».
Па некаторых здымках можна вызначыць дакладнае месца ў горадзе. Іншыя ж трэба будзе вывучыць гісторыкам і лакалізаваць месца здымкі.
