Старшыня грамадскага аб’яднання «Экаманіторынг» Яўген Філімонаў 6 чэрвеня паведаміў, што ў Альшанцы могуць абнавіць пляцоўкі для выгулу сабак. У гэтым дапаможа прадпрыемства «Гроднажылбуд». Чакаюць дапамогі і ад мясцовых жыхароў.
У пачатку чэрвеня, пасля абвастрэння сітуацыі ў мікрараёне з нагоды агрэсіўных паводзін аднаго з сабакаў, Яўген Філімонаў звярнуўся да кіраўніцтва «Гроднажылбуда» з просьбай аказаць дапамогу ў аднаўленні пляцовак для сабак.
«У Гродне на 370 000 насельніцтва абсталяваны ўсяго пяць пляцовак для выгулу сабак: дзве ў новым мікрараёне Альшанка, каля водазабору на вуліцы Болдзіна і на вуліцы Кабяка (каля «Трыніці»), — распавядае Яўген Філімонаў. — Апошнюю пабудавалі два гады таму па ініцыятыве гродзенскіх экаактывістаў. Зусім нядаўна мясцовыя дэпутаты паспрыялі абсталяванню пятай у мікрараёне Дзевятоўка. І калі на апошніх двух пляцоўках мясцовыя жыхары пастаянна выгульваюць сваіх гадаванцаў, то з пляцоўкамі на Альшанцы справы горш.
У іх зацікаўленыя не толькі ўладальнікі хатніх жывёл, але і тыя, хто не ўтрымлівае сабак. Калі ёсць пляцоўка, значыць маецца месца для выгулу і дрэсіроўкі. Сабакі пры гэтым знаходзяцца на закрытай тэрыторыі і спраўляюць свае натуральныя патрэбы, а значыць двары і газоны будуць чысцей. Аднак, важна не столькі пабудаваць і ўладкаваць, колькі стварыць умовы і зацікавіць людзей пастаянна падтрымліваць там чысціню і парадак".
Філімонаў адзначае, што галоўная праблема пляцовак на Альшанцы ў тым, што яны знаходзяцца ў запусценні, нават брамка не замыкаецца, а значыць такая пляцоўка не з’яўляецца бяспечнай, бо спушчанаму з ланцужка сабаку нічога не перашкаджае ўцячы.
«У сувязі з нашумелымі апошнімі падзеямі ў мікрараёне, наяўнасць бяспечнай і абсталяванай пляцоўкі як ніколі актуальна. Мы ініцыявалі сустрэчы з кіраўніцтвам „Гроднажылбуда“, якое паабяцала спрыяць добраўпарадкаванню пляцовак у мікрараёне, але толькі пры сумесным удзеле мясцовых жыхароў. Спадзяемся, што агульнымі намаганнямі з усімі зацікаўленымі бакамі мы зможам акультурыць і прывесці пляцоўкі ў парадак. Яны стануць не толькі месцам для выгулу, але таксама і дрэсіроўкі сабак», — заявіў старшыня грамадскага аб’яднання «Экаманіторынг «Яўген Філімонаў.
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…