З-за нядбалага стаўлення да працы галоўнага заатэхніка у СВК Гродзенскага раёна прыйшлося зарэзаць амаль 100 галоў жывёлы, распачата крымінальная справа. Пра гэта БЕЛТА паведамілі ў службе інфармацыі пракуратуры Гродзенскай вобласці.
Службовая асоба падазраецца ў неналежным выкананні службовых абавязкаў, што пацягнула цяжкія наступствы. Пракурор Гродзенскай вобласці распачаў у дачыненні да яго крымінальную справу па арт.428 (службовая халатнасць) КК.
Як паказала даследчая праверка, на прадпрыемстве неналежным чынам была арганізавана падрыхтоўка кармоў з выкарыстаннем спецыяльнай дабаўкі. «Работнікі малочна-таварных ферм не мелі пра яе інфармацыі, таму ўводзілі ў рацыён жывёл у дозах, якія ў некалькі разоў перавышалі рэкамендаваную вытворцам колькасць. З-за гэтага былі вымушаныя прырэзаць жывёлу», — распавялі ў службе інфармацыі. Нядбайнае стаўленне да працы галоўнага заатэхніка, які абавязаны быў арганізаваць кармленне і догляд за жывёламі ў адпаведнасці з нормамі і правіламі, пацягнула таксама гібель прыплоду, недаатрыманне малака.
Для папярэдняга расследавання крымінальная справа накіраваная ва ўпраўленне Следчага камітэта па Гродзенскай вобласці.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…