У Гродне прапрацоўваецца пытанне стварэння мастацкага музея, разглядаецца некалькі пляцовак для яго размяшчэння. Гэтая тэма абмяркоўвалася падчас асабістага прыёму грамадзян старшынёй Гродзенскага аблвыканкама Уладзімірам Краўцовым, перадае БЕЛТА.
З ініцыятывай выступілі жыхары Гродна — мастацтвазнаўцы, прадстаўнікі туріндустрыі і абласной арганізацыі Беларускага саюза мастакоў. Як вядома, плануецца рэканструкцыя былога палаца культуры тэкстыльшчыкаў, размешчанага на плошчы Савецкай, пад цэнтр культуры. На думку творчай інтэлігенцыі, варта было б адвесці месца пад выставачныя залы, пастаянную экспазіцыю гродзенскіх мастакоў, творчыя майстэрні і студыі.
«Такому музею ў Гродне быць, ініцыятыва добрая, — сказаў Уладзімір Краўцоў. — Дзе, як, за якія сродкі - пытанне патрабуе дэталёвага разгляду. Улічым розныя меркаванні і прымем узважанае рашэнне».
Яшчэ адным з варыянтаў размяшчэння музея прапануецца правае крыло каралеўскага Новага замка. Пакуль там размяшчаецца абласная бібліятэка, аднак неўзабаве яна зменіць прапіску і пераедзе ў былы банкаўскі будынак па вуліцы Карбышава. Мастацкі музей мог бы стаць добрым дадаткам да існуючых ужо экспазіцыяў у Старым і Новым замках. Тым больш што самі замкі досыць прывабныя для турыстаў аб’екты, адзначыў Краўцоў.
У цэнтры Гродна плануецца адкрыць музей прыроды, музей гісторыі горада і рэгіёну ў XX стагоддзі. Прапрацоўваецца і тэма стварэння музейнай экспазіцыі, прысвечанай Васілю Быкаву. Гэтае пытанне таксама ўздымалася падчас прыёму грамадзян.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…