Сёння каля 11:40 на вуліцы Перамогі ў Гродне адбылася сур’ёзная аварыя, у якой сутыкнулася тры аўтамабілі, а аднаго з кіроўцаў павезлі на «хуткай дапамозе». Паводле папярэдняй інфармацыі ў святлафора прытармазіў Mercedes, за ім пачаў спыняцца кіроўца на Opel, а трэці кіроўца на грузавіку Ford упусціў гэты момант і ўрэзаўся ў Opel, паведамляе AutoGrodno.by.
Значней астатніх удзельнікаў аварыі пацярпеў аўтамабіль Opel. У яго сур’ёзна разбіта задняя частка, ёсць пашкоджанні левага пярэдняга вугла. Пасля ўдару машына апынулася ў суседняй паласе. Мужчыну прыйшлося павезці на «хуткай дапамозе», ён скардзіўся на болі ў шыі. Дарэчы, «хуткая» прыехала вельмі хутка.
Наступствы аварыі засняў Віталь, калі праязджаў міма ў другі раз. Ён кажа, што бачыў момант ДТЗ на свае вочы і прызнаецца: «Па адчуваннем кіроўца грузавіка Ford зусім не тармазіў».
Аварыя справакавала вялікі затор па вуліцы Перамогі. Па факце ДТЗ праводзіцца праверка.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…