Работнікі інспекцыі нагляду і прафілактыкі Гродзенскага гарадскога аддзела па надзвычайных сітуацыях правялі маніторынгі пажарнай бяспекі ў дзіцячых лагерах, піша grodnonews.by.
Пры правядзенні маніторынгаў выяўлены шэраг парушэнняў. За агароджамі базы адпачынку і дзіцячага аздараўленчага лагера з боку лясных масіваў не выкананы мінералізаваныя супрацьпажарныя паласы. Замкі на дзвярах, размешчаныя на шляхах эвакуацыі ў некаторых жылых карпусах, не забяспечваюць магчымасць іх вольнага адчынення знутры без ключа.
Не ўсе дзверы, якія падзяляюць лесвічныя клеткі і агульныя калідоры жылых і адміністрацыйных карпусоў, абсталяваны прыладамі для самазакрывання. Не ўсе планы эвакуацыі людзей пры пажары, размешчаныя ў жылых карпусах, адпавядаюць патрабаванням, а таксама шляхі эвакуацыі не пазначаныя адпаведнымі паказальнымі знакамі. Не ўсюды пазначаныя паказальнымі знакамі месца размяшчэння першасных сродкаў пажаратушэння, у некаторых спальных памяшканнях патрабуюць замены элементы сілкавання ў аўтаномных пажарных апавяшчальніках, альбо пажарныя апавяшчальнікі не замацаваныя, а некаторыя — дэмантаваныя; памяшканне кухні ў будынку сталовай не забяспечана першаснымі сродкамі пажаратушэння.
У адрас балансатрымальнікаў аздараўленчых лагераў накіраваныя рэкамендацыі з тэрмінамі ліквідацыі выяўленых парушэнняў. Па заканчэнні названых у рэкамендацыях тэрмінаў будзе праведзены паўторны маніторынг.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…