У Каробчыцах идуць працы: да Еўрапейскіх гульняў мяняюць асфальт і праводзяць інтэрнэт

Каробчыцы — першы буйны населены пункт ад мяжы з Польшчай на шляху ў Гродна. Дарога даўжынёй амаль трынаццаць кіламетраў ад трасы М6 лічыцца пад’ездам да Гродна і праходзіць праз Каробчыцы, сканчаецца на скрыжаванні вуліц Вольгі Соламавай і Суворава. Яна ўключана ў план бягучага рамонту з добраўпарадкаваннем, менавіта ў гэтым напрамку будуць ехаць турысты на II Еўрапейскія гульні ў Мінск з наведваннем Гродна, піша grodnonews.by.

— Зараз працы вядуцца ад 2-га да 10-га кіламетра пад’езда да Гродна, — распавёў галоўны інжынер ДЭУ № 51 РУП «Гродноавтодор» Аляксандр Говін. — На гэтым участку трэба будзе правесці павярхоўную апрацоўку дарожнага пакрыцця, прывесці ў парадак аўтобусныя прыпынкі, выканаць суцэльнае асфальтаванне вуліцы Міра ў Каробчыцах і пракласці новыя пешаходныя сувязі.

Адначасова з дарожнымі работамі «Белтэлекам» пракладае па вуліцы Міра тэлефонныя камунікацыі, каб ужо ў бліжэйшай перспектыве жыхары атрымалі доступ да высакахуткаснага інтэрнэту.

Вясковая стараста Ірына Халхуновіч прымае ўдзел у працах. У гэтай грамадскай пасадзе яна ўжо два дзясяткі гадоў.

— Наша галоўная вуліца прырастае сучаснымі катэджамі і з іх гаспадарамі праблем няма, паколькі самі зацікаўлены ўпрыгожыць свае прыдарожныя тэрыторыі, — распавядае Ірына Доминиковна.- А вось са старажыламі прыходзіцца працаваць больш шчыльна. Многія ўжо сталага веку, але прыязджаюць дзеці і ўнукі, дапамагаюць навесці парадак у дварах, замяніць агароджу.

У старасты Каробчыц ёсць пытанні да ДАІ, бо па гэтай вуліцы з мяжы вялікі аўтамабільны рух, у тым ліку і фур. Не ўсе прытрымліваюцца хуткаснага рэжыму, таму яго ў межах населенага пункта трэба паменшыць.

Увосень на скрыжаванні выезду з Каробчыц ў Гродне будзе добраўпарадкавана кальцавая развязка.