Сучасныя гандлёвыя цэнтры з крамамі, кафэ, аптэкамі і офісамі з’явяцца ў мікрараёнах на Лідскай вуліцы і ў Грандзічах-2, якія актыўна забудоўваюцца. Участкі пад будаўніцтва выставілі на аўкцыён, піша vgr.by.
Гандлёва-грамадскі цэнтр у 1−3 паверхі запланаваны на Лідскай. Там размесцяцца крамы з прадуктамі, гандлёвыя плошчы з нехарчовымі таварамі, аб’екты бытавога абслугоўвання — аптэкі, рамонт адзення ці абутку, аддзяленне сувязі. Будаўніцтва будзе весціся па індывідуальным праекце. Цэнтр зойме 110 сотак, яго пачатковы кошт — 151 тысяча рублёў. Пры гэтым, паводле ацэнак спецыялістаў у гарвыканкаме, забудоўшчыку прыйдзецца выдаткаваць на знос будынкаў і збудаванняў 263,5 тысячы рублёў.
Падобны цэнтр на 115 сотках ўзвядуць у Грандзічах. Там будуць прадуктовыя і прамтаварныя крамы. Акрамя таго, прадугледжаны кафэ або рэстаран на 150 месцаў, аб’екты бытавога прызначэння і офісы. Барацьба за права яго ўзвядзення пачнецца з 212 тысяч рублёў. Пераможца павінен будзе заплаціць 36 тысяч рублёў у якасці кампенсацыі страт сельгасвытворчасці, звязаных з адабраннем участка.
Аўкцыён пройдзе 28 мая.
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…