Канфлікт у Бярозаўцы Лідскага раёна скончыўся смерцю. 1 мая ў інтэрнаце па вуліцы Школьнай тры жанчыны знаходзіліся на агульнай кухні, гутарылі на розныя тэмы, але пры гэтым не сварыліся паміж сабой. У будынку балкона на кухні няма, але створка пры гэтым маецца, а замест лоджыі нацягнутыя вяроўкі, на якіх сушыцца бялізна, паведамляе grodno.mvd.gov.by.
Каля 11:40 жанчына 1975 года нараджэння вешала толькі што памытыя рэчы. Паводле папярэдняй версіі, у гэты момант да яе падышла суседка 1968 года нараджэння і стала скардзіцца на жыццё. Жанчына наракала на праблемы і мімаходзь сказала, што хоча памерці. Далей падазраваная, якая вешала бялізну, (з яе ж слоў) не вытрымала і штурхнула суседку ў адкрыты праём. У апошні момант грамадзянка адумалася, што стварыла глупства, але было позна. Падазраваная паспела схапіць падаючую жанчыну за нагу, аднак утрымаць яе не змагла. У выніку ў руцэ застаўся толькі насок, а пацярпелая звалілася ўніз галавой з трэцяга паверху на бетон. Пасля яна памерла ў машыне хуткай дапамогі.
Зараз у дачыненні да жанчыны, якая вытаўкала ў акно суседку, распачата крымінальная справа па артыкуле «Забойства». Раней паміж імі сур’ёзных канфліктаў не ўзнікала, алкаголем яны не злоўжывалі, хоць у дадзенай сітуацыі выпілі.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…