Акция "Леди на велосипеде", сентябрь 2017
Аўгустоўскі канал і Белавежскую пушчу плануюць звязаць кальцавым веломаршрутам па тэрыторыі Беларусі і Польшчы, піша belta.by са спасылкай на ўпраўленне спорту і турызму Гродзенскага аблвыканкама.
Маршрут пабудуюць у рамках міжнароднага праекта «Белавежа Вела», папярэднія дамовы ўжо ёсць. Задзейнічаны ў ім будуць Брэсцкая і Гродзенская вобласці і Падляскае і Люблінскае ваяводства.
Маршрут пройдзе ад Гродна да Свіслачы, праз Белавежскую пушчу выйдзе да пункта пропуску «Перароў-Белавежа» і далей па тэрыторыі Польшчы вернецца да Аўгустоўскага канала.
«Асаблівую актуальнасць стварэнне веламаршрута набывае ў святле магчымага аб’яднання гродзенскай і брэсцкай бязвізавых зонаў. Упэўненыя, ён будзе запатрабаваны ў турыстаў», — адзначылі ва ўпраўленні спорту і турызму Гродзенскага аблвыканкама.
У гэтым турыстычным сезоне запрацуе беларуска-польскі маршрут «АўгустВела» працягласцю каля 60 км. На беларускай частцы ён злучыць пункт пропуску «Лясная-Рудаўка» на Аўгустоўскім канале і Гродна. Уздоўж маршрута зроблены месцы адпачынку, інфармацыйныя стэнды. Праз польскую частку маршрута Аўгустоўскі канал будзе ўключаны ў міжнародную еўрапейскую сетку роварных маршрутаў.
З 1 мая пачне працу сезонны рачны пункт пропуску «Лясная-Рудаўка» на беларуска-польскай мяжы, у раёне шлюза Дамброўка адкрыюцца аб’екты грамадскага харчавання. Ужо адкрыты пункты пракату.
Гатэль «Кронон Парк Гатэль», размешчаны ў лесапарку Пышкі ў Гродне, атрымаў прэмію Travel Time Awards…
У 2024 годзе бацькоўскіх правоў у Беларусі былі пазбаўлены бацькі 3 955 дзяцей. Гэта найбольшая колькасць…
Жыхар Гродна набіў на шчыкалатцы татуіроўку з выявай расійскага рэпера Пашы Тэхніка і подпісам “Досвидания”.…
На сёмым паверсе дома па вуліцы Ліможа, 48Б выстаўлена на продаж трохпакаёвая кватэра плошчай 74,8…
У Гродне рыхтуюцца да святкавання 80-годдзя Перамогі ў Вялікай Айчыннай вайне. Мерапрыемствы аб'яднаюць пад канцэпцыяй…
З 5 красавіка ў Гродне талоны на праезд у гарадскім грамадскім транспарце даражэюць на 10…