Пажар у Гродзенскім раёне каля вёскі Плябанішкі і недалёка ад літоўскай мяжы ліквідаваны, але разам з тым па фронце гарэння назіраюцца дробныя агнішчы. На дадзены момант ідзе іх дагашыванне, піша grodnonews.by са спасылкай на Гродзенскае абласное ўпраўленне МНС. На брыфінгу са СМІ прадстаўнікі МНС распавялі падрабязна аб пажары і актуальнай сітуацыі.
— У навакольных вёсках былі створаны пасты, на месцы дзяжурыла меддапамога, — патлумачыў першы намеснік начальніка Гродзенскага абласнога ўпраўлення МНС Аляксандр Ясеў. — Іншых ачагоў узгаранняў няма. На дадзены момант на тэрыторыі 11 раёнаў забаронены ўезд у лясы ў сувязі з гарачым і сухім надвор’ем.
Паводле слоў Аляксандра Ясева, учора складанасць сітуацыі была яшчэ абумоўлена моцным шквалістым ветрам. Напярэдадні сіноптыкі перадалі прагноз пра ўзмацненне парываў да 20 метраў на секунду. Лакалізаваць і патушыць лясны пажар удалося толькі пасля таго, як вецер аслабеў.
Для асабістага складу і ўсіх, хто быў задзейнічаны ў ліквідацыі пажару, быў арганізаваны падвоз вады. Таксама сітуацыю кантралявалі з дапамогай верталёта.
— Пра прычыны пажару гаварыць пакуль рана, гэтым займаецца міжраённы следчы камітэт, — заявіў Аляксандр Ясеў. — Шкода, нанесеную пажарам, высветляецца. Плошча гарэння склала 30 гектараў, але па апошніх падліках гэтая лічба можа вырасці.
Усяго ў тушэнні пажару было задзейнічана 346 чалавек і 70 адзінак тэхнікі. Сярод тых, хто займаўся ліквідацыяй ляснога пажару, супрацоўнікі ўсіх частак МНС горада Гродна, работнікі лясгаса, супрацоўнікі узброеных сіл і Гродзенскай памежнай групы.
З пачатку года зафіксавана 212 выпадкаў загаранняў сухой расліннасці і 29 лясных пажараў. Прычынай іх узнікнення, як правіла, становіцца чалавечы фактар. Вялікая колькасць дробных агнішчаў ліквідуецца сіламі лясгасаў.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…