23 красавіка шэсць фур прывезлі ў Гродна кола агляду. У бліжэйшы час супрацоўнікі парку атракцыёнаў зоймуцца яго мантажом.
Тэрміны зборкі кола невядомыя. Ёсць верагоднасць, што да лета яно ўжо будзе функцыянаваць. Вышыня атракцыёну — 42 метры.
Пра тое, што кола агляду з’явіцца ў парку, стала вядома ў пачатку студзеня. Наконт месца размяшчэння кола думкі гродзенцаў падзяліліся. Адны падтрымліваюць ідэю размясціць кола агляду ў парку Жылібера, куды лёгка дабрацца грамадскім транспартам. Іншыя мяркуюць, што віды з Каложскага парку былі б больш цікавымі і што кола агляду дапамагло б зрабіць тую частку цэнтра больш прывабнай для адпачынку гараджан і турыстаў.
Што можна будзе ўбачыць з кола агляду ў Гродне
