Каля суда Алесь Дзянісаў, Аляксей Кайрыс і Катажына Ляўдацкая. 22.04.2019. Фота: “Гарадзенская Вясна”
У панядзелак, 22 красавіка, у судзе Ленінскага раёна Гродна пачаўся разгляд адміністрацыйных справаў журналістаў-фрылансераў Алеся Дзянісава, Аляксея Кайрыса і Катажыны Ляўдацкай. Іх вінавацяць у незаконным вырабе і распаўсюдзе інфармацыйнай прадукцыі па арт. 22.9 КаАП (Парушэнне заканадаўства аб сродках масавай інфармацыі). Але рашэнне суд 22 красавіка так вынесці і не змог. Суддзя Дзмітры Бубенчык працягваў перапынкі два разы, але потым увогуле абвесціў перапынак да серады 24 красавіка. Пра гэта паведаміў гродзенскі праваабаронца Віктар Сазонаў, паведамляе spring96.org.
Супрацоўнікі Шчучынскага РАУСа склалі на журналістаў пратаколы за фільм пра Чэслава Немэна, які выйшаў на адным з замежных тэлеканалаў. На пачатку судовага працэса журналісты падалі хадайніцтва аб спыненні справы ў сувязі з тым, што яны не з’яўляюцца аўтарамі матэрыялу, за які іх судзяць.
Журналіст Аляксей Кайрыс патлумачыў суду, што ў вёсцы Старыя Васілішкі Шчучынскага раёна Гродненскай вобласці ён здымаў фільм, але для сябе. Да таго матэрыяла, што выйшаў на тэлебачанні, ён не мае ніякага дачынення. Тое самае сказалі журналісты Катажына Ляўдацкая і Алесь Дзянісаў.
У якасці сведак на судзе выступілі загадчык музея ў Старых Васілішках Уладзімір Сінюта, а таксама 84-гадовы жыхар вёскі Тамаш Маркевіч, які патрапіў у сюжэт фільма.
Абодва не пазналі журналістаў. Сведка Сінюта паведаміў, што ён не даваў аніякага інтэрв'ю. Пры гэтым у пратаколе пазначана, што інтэрв'ю з ім адбылося. Але загадчык музея паведаміў, што пры складанні пратаколу не казаў гэтага. Маркевіч таксама паведаміў, што не разумее, чаму ў пратаколе супрацоўнікі міліцыі напісалі, што ён пазнаў гэтых журналістаў. Сказаў, што для апазнання яму паказвалі фотаздымкі, а потым сказалі падпісаць пратакол, што ён і зрабіў.
Гродзенскі праваабаронца Віктар Сазонаў лічыць, што гэты судовы працэс над журналістамі набывае форму абсурду:
«Негледзячы на тое, што журналісты заявілі ў судзе, што гэта не іх матэрыял, і нават прывялі доказы гэтага, суд усё роўна прадоўжыў займацца пошукам іх віны. Зразумела, калі іх не пазналі сведкі на судзе, то лагічна было б суддзе высвятляць, як увогуле складаліся тыя пратаколы. Але ніхто, акрамя саміх абвінавачваемых, на гэтым не стаў засяроджваць увагу. Відавочна, што справа ініцыянавана па палітычных матывах. Мэта яе — дадушыць незалежную журналістыку».
Чакаецца, што суд агучыць рашэнне па гэтай справе 24 красавіка ў 14:30.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…