27-гадовы хлопец зарабляў тым, што знаёміўся ў інтэрнэце з дзяўчатамі і абкрадаў іх на спатканнях, піша “Гродзенская праўда”.
– У адным з выпадкаў ён жыў некалькі дзён у знаёмай, пакуль яе бацькі не было дома, – распавёў начальнік Ленінскага РАУС горада Гродна Алег Карпушкін. – Пакуль спаў на ягоным ложку, выявіў, што пад матрацам схаваны грошы – 2000 расійскіх рублёў. Зберажэнні малады чалавек пакінуў сабе і на наступны дзень адзначыў “знаходку”, выдаткаваўшы сродкі на асабістыя патрэбы. Увечары падазраваны вярнуўся да дзяўчыны ў новых красоўках, а яе бацьку купіў у падарунак мабільны тэлефон на яго ж грошы.
Праз некалькі дзён хлопец проста знік. Дзяўчына забіла трывогу і праз яго сяброў у сацыяльнай сетцы даведалася, што ён абкрадае сваіх новых знаёмых. Не так даўно ў іншай дзяўчыны такім жа чынам ён скраў ноўтбук. Гродзенка звярнулася ў міліцыю. Хлопец затрыманы.
