На сайце petitions.by з’явілася петыцыя, якая звяртае ўвагу на праблему продажу і выкарыстання пластыкавых могілкавых упрыгожванняў у краіне. Яе стваральнікі плануюць накіраваць зварот у Міністэрства прыродных рэсурсаў і аховы навакольнага асяроддзя, піша greenbelarus.info.
Аўтары петыцыі звяртаюць увагу, што пластыкавыя кветкі даўно сталі экалагічнай праблемай Беларусі.
«Нежывыя кветкі вырабляюцца з розных відаў штучных матэрыялаў. Так, сярэдзіна кветкі можа быць зроблена з пенапласту, пялёсткі з поліэстэру або латекса, а ўнутр сцябла, вырабленага з ПВХ, нярэдка ўстаўляецца металічны стрыжань. Да таго ж розныя забруджванні, той жа пясок, дадаткова ўскладняюць перапрацоўку. Тэрміны раскладання пластыка — ад 100 да 500 гадоў «, — гаворыцца ў тэксце петыцыі.
Таксама ў звароце адзначаецца, што толькі са сталічных могілак штогод перад Вялікаднем і Радаўніцай вывозяцца на звалку каля 500 тонаў смецця.
hrodna.life/articles/shtuchnaya-radunica/
Па падліках эколагаў, штогод на могілках краіны аказваецца каля мільёна штучных руж, гваздзікоў і хрызантэм, на куплю якіх беларусы трацяць каля паўмільёна даляраў.
Продаж штучных кветак — прыбытковы бізнэс. Асабліва ў сезон традыцыйных для хрысціян дзён памінання памерлых. Рашэнне праблемы стваральнікі петыцыі бачаць у забароне на продаж штучных пластыкавых кветак у Беларусі.
hrodna.life/2019/03/28/v-stranah-evrosoyuza-do-2021-goda-zapretyat-odnorazovuyu-posudu-i-ne-tolko/
Зялёны партал не раз пісаў пра тое, што выбар на карысць пластыку — экалагічна небяспечны: пластыкавыя кветкі не падлягаюць перапрацоўцы і раскладаюцца сотні гадоў. Ды і не ў традыцыях беларусаў упрыгожваць магілы памерлых продкаў штучнымі раслінамі.
Іншая справа — жывыя кветкі і дэкаратыўныя хмызнякі і дрэвы.
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…