У першым матчы фінальнай серыі плэй-оф чэмпіянату Беларусі «Нёман» прайграў мінскаму «Юнацтва». Гульня праходзiла 3 красавiка на сталічнай «Чыжоўка-Арэне» .
Ужо традыцыйна ў барацьбе за галоўны трафей краіны «Нёман» сустракаецца з «Юнацтвам». Ад сустрэч гэтых каманд заўзятары заўсёды чакаюць яркай і баявой гульні. Першы матч фінальнай серыі апраўдаў чаканні. Каманды правядзі захапляльны матч з мноствам барацьбы i галоў.
Гаспадары першымі адкрылі лік у матчы. Кірыл Брыкун на 14-й хвіліне закінуў шайбу з перадачы Нагачова. За 2 хвіліны да заканчэння перыяду ''Нёман'' здолеў зраўняць лік, адзначыўся Смураў.
Другая дваццаціхвілінка засталася за чырвона-чорнымі. На 28-й хвіліне Аляксей Бадун вывеў «Нёман» наперад.
Праз паўтары хвіліны пасля такого як каманды выйшлi на трэцi перыяд, і трэцяя шайба ўлятае ў вароты «Юнацтва». Дакладным кідком адзначыўся Мікіта Рэмезаў. «Нёман», валодаючы сур’ёзнай перавагай, асеў у абароне, за што і паплаціўся. На 48-й хвіліне Станіслаў Лапачук здолеў скараціць адставанне да мінімуму. А праз 4 хвіліны Аляксандр Кагалёў зраўняў лік. У асноўны час каманды мацнейшага не выявілі 3:3.
Авертайм таксама быў багаты на падзеі. За дадатковы час «Нёман» атрымаў рэальны шанец узяць першую перамогу ў серыi, але Арцём Кіслы не рэалізаваў штрафны кідок. У вынiку за 50 секунд да заканчэння авертайму, гаспадары вырвалi перамогу ў гродзенцаў. Аўтарам пераможнай шайбы стаў Станіслаў Лапачук.
«Юнацтва» — «Нёман» — 4:3 АВ (1:1, 0:1, 2:1, 1:0)
Лік у серыі да 4-х перамог — 1:0
Галоўны трэнер «Нёмана» Сяргей Пушкоў пасля першай фінальнай сустрэчы:
— Матч прайгралі самі. Ён ўдала для нас складваўся. З першых хвілін вісела вялікае напружанне, абедзве каманды разумелі важнасць стартавай гульні. Але тры грубыя памылкі ў абароне прывялі да галоў у нашы вароты. Вядома, выйграючы 3:1, трэба даводзіць матч да перамогі. Варта аддаць належнае гаспадарам — яны адыграліся, даціснулі. Хоць і ў нас былі магчымасці, той жа буліт.
Наступны матч серыі супернікі правядуць 4 красавіка таксама ў Мінску.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…