Еўрапарламент ухваліў забарону аднаразовага пластыкавага посуду, а таксама абмежаваў выкарыстанне іншых вырабаў разавага карыстання з пластыка, піша dw.com.
Еўрапарламент у сераду, 27 сакавіка, ухваліў законапраект, накіраваны на скарачэнне смецця з пластыка. Ён уступіць у сілу пасля ўхвалы Еўрапейскім саветам. Прадстаўнікі Еўрапейскага парламента і краін ЕС у снежні мінулага года ўзгаднілі дэталі законапраекта, таму чакаюць, што пры яго разглядзе ў Еўрасавета пярэчанняў не будзе.
Так, з 2021 года ў Еўрасаюзе будзе забаронена выкарыстанне аднаразовых вырабаў - у прыватнасці, пластыкавага посуду, ватных касметычных палачак, саломінак для пітва — якія могуць вырабляцца з іншых матэрыялаў. З 2024 года пластыкавыя бутэлькі будуць прадаваць толькі з прымацаванымі да іх вечкамі.
hrodna.life/articles/recycling-ru/
Выкарыстанне вырабаў з пластыка, у якіх пакуль няма экалагічнай альтэрнатывы, напрыклад, пластыкавых кубкаў і пакункаў для прадуктаў харчавання, павінна быць абмежавана. Згодна з законапраектам, краіны ЕС мусяць самастойна прыняць меры ў гэтай сувязі.
Акрамя таго, шэраг аднаразовых прадуктаў, якія змяшчаюць некаторую колькасць пластыка — у прыватнасці, вільготныя сурвэткі, жаночыя гігіенічныя пракладкі - у абавязковым парадку на ўпакоўцы будуць суправаджацца указаннямі аб негатыўным уздзеянні на навакольнае асяроддзе.
Законапраект таксама загадвае павелічэнне квоты па раздзяленні смецця. Да 2025 года не менш 77% пластыкавых бутэлек павінны утилизовываться разам з пластыкавым смеццем, да 2030 года гэты паказнік узрасце да 90%. Акрамя таго, пластыкавыя бутэлькі з 2025 года павінны як мінімум на 25% складацца з другаснай сыравіны, да 2030 года — на 30%.
Згодна са звесткамі Еўракамісіі, на год у Еўропе ў сярэднім на аднаго жыхара прыходзіцца 31,1 кг пластыкавых адходаў, у Нямеччыне — 37,4 кг. У сярэднім у ЕС каля траціны пластыкавага смецця падлягае другаснай перапрацоўцы, астатнія адходы экспартуюцца. На долю пластыка прыходзіцца 85% усяго смецця ў сусветным акіяне, з іх палову складаюць разавыя пластыкавыя вырабы.
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…
Байкеры выявілі ў Пышках дрот, нацягнуты на ўзроўні шыі. Відэа яны размясцілі ў TikTok. "Вось…