У адным з класаў будынка нядзельнай школы Свята-Пакроўскага сабора з’явілася фрэска — ікона, на якой намаляваны святы князь Фёдар Астрожскі падчас Грунвальдскай бітвы. Гэтай працай цягам двух месяцаў займаўся мастак Аляксандр Рыбін.
Такую фрэску пабачыў айцец Георгій Рой у Пакрова-Нікольскім саборы ў Клайпедзе і натхніўся ёй. Падобны малюнак ён вырашыў зрабіць і ў Гродне, менавіта ў адным з класаў нядзельнай школы Свята-Пакроўскага сабора
«Я быў вельмі ўражаны Пакрова-Нікольскім саборам Клайпеды, там увесь храм распісаны сюжэтамі праваслаўнага жыцця ў гісторыі Вялікага Княства Літоўскага, — распавядае Георгій Рой. — І калі я ўбачыў фрэску Грунвальдскай бітвы, я падумаў, што гэта магло бы быць выдатным элементам выхавання патрыятычнай культуры і пачуццяў у нашай моладзі і дзяцей. Грунвальдская бітва для гісторыі Беларусі, і ў прыватнасці для гісторыі Гродна мае вялікае значэнне, таму што яна паклала канец амаль 150-гадовай вайне паміж нашым горадам і крыжакамі. А яшчэ на гэтай фрэсцы мяне вельмі ўразіла тое, што сярод ваяроў ВКЛ быў і князь Фёдар Астрожскі, якога мы сёння шануем і памятаем. Ён знаходзіцца ў ліку беларускіх святых».
У пачатку 2019 года айцец Георгій Рой пагутарыў з выкладчыкамі нядзельнай школы і ўладыкам Арцеміем, які даў сваё добраслаўленне на працы. У выніку ў канцы сакавіка фрэска з’явілася.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…