Спецыяльная пляцоўка для гандлю з колаў, дзе будзе прадстаўлена розная вулічная ежа, можа з’явіцца ў Гродне. У адкрыцці кропкі для моладзі, творчых людзей, прадстаўнікоў стрыт-культуры зацікаўлены гродзенскія ўлады, якіх ўразіў прыклад «Пясочніцы» — арт-прасторы ў Мінску, піша «Вячэрні Гродна».
Ідэю абмеркавалі 15 сакавіка ў гарвыканкаме. Прадстаўнікам гандлю прапанавалі пляцоўку на Леванабярэжнай вуліцы каля прычала для цеплахода.
— Калі ўладальнікі фуд-тракаў пагодзяцца арганізаваць такі цэнтр прыцягнення, то гэта будзе ідэальным рашэннем для Гродна. Таму мы згодныя на першы час, скажам на адзін-два месяцы, даць зямлю ў карыстанне цалкам бясплатна. Месца добрае, ёсць тэхнічныя магчымасці для бесперапыннай працы, — адзначыў намеснік старшыні Гродзенскага гарвыканкама Андрэй Болтрык.
Разам з тым у гарвыканкаме гатовыя выслухаць сустрэчныя прапановы з нагоды месца, дзе б збіраліся кулінары з фургончыкамі. У будучыні месца для стаянкі фуд-тракаў, у тым ліку і ў гістарычным цэнтры, могуць прадаваць на адкрытых таргах, дадаў Андрэй Болтрык.
У Гродне налічваецца 7 фуд-тракаў. Іх меню — напоі, хот-догі, бургеры і шаурма. «Піцатрак» на вуліцы Кірава прапануе піцу, прыгатаваную на дровах.
«Пясочніца» адкрылася ў чэрвені 2018 года на тэрыторыі завода «Гарызонт» на вуліцы Куйбышава, 45, у Мінску. Фуд-тракі (іх там ад 16 да 25) прапануюць наведвальнікам гастранамічныя наборы па жорстка фіксаванай цане — 7 рублёў. Гэта бургеры, бульба фры, шаурма, каўбаскі на грылі. Ежы спадарожнічаюць забавы — музыка (часцяком выступы ўжывую), зоны для адпачынку. «Пясочніца» лічыцца адной з галоўных тусовочных кропак моладзі ў сталіцы: улетку яе наведвала да 5 тысяч чалавек у дзень.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…