Сёння гэта самы буйны аўтапарк, які забяспечвае 80% усіх аўтобусных перавозак на тэрыторыі вобласці. Да 286 аўтобусаў летась дадалося яшчэ 11 машын МАЗ-103 і пяць маршрутных бусаў. Толькі для абслугоўвання пасажыраў з новага мікрараёна Альшанка штодня патрэбна каля 50 аўтобусаў. Дадатковы транспарт спатрэбіцца для абслугоўвання новага мікрараёна Грандзіч, не меншага за Альшанку.
Аднак тэрыторыі, адведзенай ў 60-я гады мінулага стагоддзя плошчай крыху больш за шэсць гектараў у трыкутніку праспекта Янкі Купалы, вуліц Перамогі і Гая ў сувязі з ростам аб’ёмаў перавозак аказалася мала.
У красавіку 2014 года аўтобусны парк выкупіў тэрыторыю ліквідаванага прадпрыемства «Гроднатэкстыль» на вуліцы Перамогі, 20 плошчай 1,8 гектара.
Аўтапрадпрыемства ў мінулым годзе наведаў старшыня аблвыканкама Уладзімір Краўцоў. Быў прапанаваны варыянт рэканструкцыі выкупленай тэрыторыі. Довады і эканамічныя разлікі апынуліся пераканаўчымі. У выніку рэканструкцыя аўтобуснага парка была ўключаная ў абласную інвестыцыйную праграму на 2019 г.
— Сёння на тэрыторыі аўтапарка склалася сітуацыя, калі для стаянкі аўтобусаў не хапае свабодных плошчаў, і адлегласць паміж машынамі скарочана да гранічна дапушчальнага мінімуму — 90 сантыметраў, — распавёў галоўны інжынер аўтобуснага парка Аляксандр Карпук. — Раней даводзілася арандаваць свабодныя плошчы на ГАП № 2 для адстою аўтобусаў.
Праз абмежаванасць тэрыторыі аўтобусы для праходжання тэхнічнага абслугоўвання ганяюць па колу, а гэта для кожнай машыны лішнія два кіламетры прабегу. Можна ўявіць, колькі паліва трэба для гэтага. Новы праект прадугледжвае заезд на далучаную тэрыторыю з тэрыторыі аўтобуснага парка, што скароціць гэты халасты прабег. На верхняй пляцоўцы плануецца размяшчэнне 30 сучлененых аўтобусаў-гармонікаў, столькіх ж машын сярэдняй даўжыні і 30 аўтобусаў малой умяшчальнасці. Перад праекціроўшчыкамі пастаўлена задача стварыць заезд на верхнюю пляцоўку ў выглядзе прымальнага для цяжкай тэхнікі серпантын.
На пляцоўцы па вуліцы Перамогі, 20 хутка пачнецца знос старых памяшканняў. Будзе адкрыты зручны заезд з вуліцы Перамогі. Акрамя стаянкі аўтобусаў на новых плошчах плануецца адкрыццё другой станцыі дыягностыкі аўтамабіляў, сэрвіснай станцыі па рамонце і тэхнічным абслугоўванні аўтамабіляў. Будзе створана каля 15 новых працоўных месцаў. Аляксандр Карпук упэўнены, што з развіццём электрычнага транспарту ў Гродне на новай пляцоўцы будзе прадугледжана станцыя падзарадкі электробусов.
У АУС Гродна сфармавалі спісы найбольш актыўных футбольных заўзятараў і "дэструктыўна настроеных грамадзян". Туды ўвайшло…
Да 1 траўня ў Гродне адкрыюць амбулаторыю ў Грандзічах, уключаць фантаны. Само свята пачнецца з…
Сілавікі знайшлі чатырох непаўналетніх у Гродне і вобласці, якія распаўсюджвалі экстрэмісцкія матэрыялы. Пра гэта напісана…
На "Гродна Азот" усё часцей спрацоўвае пажарная сігналізацыя - у параўнанні з першым кварталам мінулага…
З 21 красавіка на маршруце Гродна-Мінск большасць маршрутак заменяць кітайскімі аўтобусамі Zhong Tong. Транспарт закуплялі…
Зараз праз памежныя пераходы ў Мядзінінкай (з беларускага боку Каменны Лог) і Шальчынінкай (Беняконі) можна…