Урачыстая цырымонія адкрыцця завода ТАА «Новалок» па вытворчасці лекавых сродкаў адбылася ў Скідзелі ў чацвер, 7 сакавіка, піша «Вячэрні Гродна».
Падчас адкрыцця новага завода міністр аховы здароўя Валерый Малашка адзначыў, што ў Беларусі «створана новая высокатэхналагічная вытворчасць прынцыпова новых лекавых прэпаратаў. У тым ліку і тых, што актыўна сёння ўжываюцца ў новых пратаколах лячэння такіх складаных захворванняў, як СНІД, туберкулёз, цукровы дыябет».
Удзел у цырымоніі адкрыцця прадпрыемства прыняў старшыня Савета Рэспублікі Міхаіл Мясніковіч, які лічыць фармацэўтыку адным з перспектыўных напрамкаў супрацоўніцтва паміж Беларуссю і Індыяй. Паводле яго слоў, «Індыя — адзін з сусветных лідэраў у вытворчасці лекаў, таму мы актыўна працуем над стварэннем сумесных прадпрыемстваў».
Адзначым, што ТАА «Новалок» вядзе працу па суправаджэнні рэгістрацыі лекавых сродкаў кампаніі Lok-Beta Pharmaceuticals (I) Pvt. Ltd., якія плануецца выпускаць на новай вытворчасці. Ужо атрыманы рэгістрацыйныя пасведчанні на 3 назвы лекавых сродкаў, на рэгістрацыі знаходзяцца дасье яшчэ на 3 назвы лекавых сродкаў, 5 найменняў фармацэўтычных субстанцый, паведамілі ў прэс-службе Міністэрства аховы здароўя РБ.
Пачалі будаваць завод у Скідзелі ў студзені 2017 года. Гэта адзін з трох інвестпраектаў у сферы фармакалогіі, якія рэалізуюць у Беларусі з удзелам індыйскага капіталу.
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…