Прэзентацыя кнігі «Горад адзін, успаміны розныя» прайшла 5 сакавіка ў непрызнаным уладамі Саюзе палякаў у Беларусі. У вялікай зале на Будзёнага, 48 каля ста чалавек слухалі, як журналіст Hrodna.life цягам года збіраў успаміны пажылых гродзенцаў.
На прэзентацыі прысутнічала і адна з гераінь кнігі Пелагея Аляшкевіч. Яна з задавальненнем падзялілася з гродзенцамі сваёй гісторыяй міжваеннага і ваеннага жыцця ў горадзе.
Пасля прэзентацыі слухачы актыўна падыходзілі да журналіста і распавядалі свае сямейныя гісторыі.
«Мне прыемна, што мая праца выклікала столькі ўвагі у гродзенцаў. Значыць, ім цікава. Гэта ўжо трэцяя прэзентацыя, паступаюць яшчэ прапановы. Шматлікія водгукі натхняюць займацца тэмай даваеннага і ваеннага Гродна і далей. Да канца года я стаўлю сабе задачу — выпусціць другую частку ўспамінаў.
Пошукі герояў працягваюцца ў Гродне, а таксама я збіраюся ў камандзіроўку ў польскія гарады, дзе жывуць гродзенцы, якія вымушаныя былі з’ехаць з роднага горада пасля Другой сусветнай вайны. Працы шмат, галоўнае паспець. Сярэдні ўзрост апытваных мною людзей — 92 гады", — распавёў Руслан Кулевіч.
«Горад адзін, успаміны розныя» — першае выданне ад Hrodna.life і першая кніга, выдадзеная з дапамогай краўдфандынгу ў Гродне. У кнігу ўвайшлі успаміны 16 гродзенцаў-старажылаў. Большую частку наклада замовілі гродзенцы. Апроч таго кнігу замаўлялі чытачы з Польшчы, Злучаных Штатаў Амерыкі, Расіі, Кіпра і Ізраіля.
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…