Экспазіцыю разгорнуць 8 сакавіка ў адной з залаў забаўляльнага цэнтра «Галактыка». На плошчы больш за тысячу квадратных метраў гледачам прадставяць каля 40 розных інтэрактыўных зон, прысвечаных космасу, піша «Гродзенская праўда».
Арганізатары запэўніваюць: выставы, на якіх нічога нельга чапаць рукамі, — учорашні дзень. «Гэта космас» запрашае да актыўнага ўзаемадзеяння з усімі экспанатамі. Госці змогуць прайсці перадпалётныя выпрабаванні на сапраўдных трэнажорах для касманаўтаў, адчуць бязважкасць, апынуўшыся ў цэнтрыфузе, «узляцець на ракеце», здзейсніць віртуальную экскурсію на Міжнародную касмічную станцыю.
Акрамя гэтага, наведвальнікам прапануюць «пазнаёміцца з прышэльцамі», пагутарыць з касманаўтамі на арбіце, сесці за пульт кіравання месяцаходам, самастойна стварыць свой міні-сусвет і нават «прагуляцца па Юпітэру» з падвышанай гравітацыяй.
Выстава — свайго роду падарожжа па Сонечнай сістэме. Яна пагрузіць кожнага госця ў гісторыю развіцця касманаўтыкі, раскажа пра яе найноўшыя дасягненні і пра тое, як тэхналагічны прагрэс са стагоддзе ў стагоддзя мяняў уяўленне чалавецтва пра свет.
Экспазіцыя пачне працу 8 сакавіка ў РЦ «Галактыка» і будзе доўжыцца да 21 красавіка. Наведаць яе можна будзе штодня з 10.00 да 21.00.
У рэспубліканскім банку вакансій у Гродзенскай вобласці зарэгістравана 20 125 вакансій, з іх 6 908…
Мост праз раку Лашанку пад Гроднам, якое змыла моцным ліўнем у жніўні, пачалі будаваць нанова.…
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…