У першую гадзіну вясны ў Гродне на Вішняўцы адбылася сур’ёзная аварыя з удзелам аўтамабіля таксі і грузавога “ГАЗ”. Чытачы АўтаГродна паведамляюць, што кіроўца таксі мог стаміцца і заснуць за рулём, так як працаваў з 6-й раніцы.
Вядома, што грузавік накіроўваўся па праспекце Я. Купалы ў бок Паўднёвага рынка, а Volkswagen службы таксі рухаўся па вуліцы Паўднёвай і на скрыжаванні, не саступіўшы дарогу, урэзаўся ў “ГАЗ”.
Заснуў кіроўца за рулём ці не – усталюе следства. Адразу ж дакладна вядома, што маладога чалавека з таксі шпіталізавалі, у яго страсенне мозгу. На момант ДТЗ пасажыраў у аўтамабілі не было.
