Гродзенскае фехтаванне паступова выбіраецца з падвалаў: да залащ у СШ № 34 і СШ № 28 дадалася пляцоўка з сучаснымі дарожкамі ў будынку РУП «Белтэлекам» на Горкага, 87/1, піша «Вячэрні Гродна».
Урачыстае адкрыццё новай залы адбылося ў панядзелак, 25 лютага. У прасторным памяшканні сабраліся юныя спартсмены, трэнеры і бацькі.
— Фехтаванне — гэта складаны тэхнічны від спорту, таму абсталяванне да яго таксама нятаннае. Для таго каб закупіць усё гэта і падрыхтаваць залу, спатрэбіўся год, — распавёў старшыня беларускай рэспубліканскай федэрацыі фехтавання Аляксей Аўсянкін. — Прыемна, што дзецям падабаецца тут займацца. Нават бацькі падыходзілі да мяне і казалі, што, нарэшце, выйшлі з падвалаў.
У федэрацыі ўпэўненыя, што новая зала дазволіць палепшыць якасць падрыхтоўкі гродзенскіх спартсменаў, якія ў будучым здолеюць вярнуць страчаныя лідэрскія пазіцыі беларускага фехтавання.
Зала была пабудавана на сродкі міністэрства інфармацыі і сувязі, беларускай федэрацыі фехтавання, а таксама грлдзенскага філіяла РУП «Белтэлекам».
У Гродзенскай вобласці фехтаванне развіваецца ў двух спецыялізаваных школах. Гэта ДЮСШ № 9 імя Аляксандра Курловіча і гродзенская абласная спецыялізаваная дзіцяча-юнацкая школа алімпійскага рэзерву прафсаюзаў «Альянс», а таксама ў гродзенскім абласным комплексным цэнтры алімпійскага рэзерву. Усяго фехтаваннем у вобласці пад кіраўніцтвам 12 трэнераў займаюцца 266 спартсменаў.
Два хлопцы са Слоніма, узростам 14 і 15 гадоў, атрымалі крымінальны артыкул за хуліганства, здзейсненае…
Дом у раёне вуліц Каліноўскага і Вясенняй, які пачалі будаваць у пачатку верасня, плануюць здаць…
Канфлікт разгарнуўся вакол паркоўкі ў новым доме на вуліцы Савецкіх пагранічнікаў. Гродзенцы абураны тым, што…
Фермерская гаспадарка знаходзіцца ў вёсцы Пальніца, што ў 23 кіламетрах ад Гродна. Гаспадарка дзейнічае —…
На ўчастку ад вуліцы Мітрапаліта Філарэта да прыпынку «Цэнтр занятасці» на вуліцы Дзяржынскага амаль скончылі…
ТАА "Флагман М'юзік" не пагадзілася з адмовай у іску аб абароне дзелавой рэпутацыі да актывісткі…