Увесну пачнецца будаванне развязкі на праспекце Янкі Купалы ў раёне 4-га шпіталя.
- Грошы ўжо вылучаны: частка — з рэспубліканскага бюджэту, частка — сродкі «Conte», — паведаміў «Вячэрняму Гродна» глава адміністрацыі Кастрычніцкага раёна горада Гродна Алег Бялінскі.
«АўтаГродна» публікуе дэталёвы план рэканструкцыі. Паводле яго зразумела, якім да восені можа стаць праспект Я.Купалы.
На праспекце запланавана пабудова разразнога кола каля «4-га шпіталя». Месцамі праспект стане шасціпалосным.
Першы ўчастак працаў улучае пашырэнне дарогі і пабудову разразнога кола насупраць будучага выезду з ГЦ «Трыніці». Другі ўчастак — гэта пашырэнне праезнай часткі да шасці палос (ад новага кола да вуліцы Кабяка), а трэці ўчастак — пашырэнне праспекта да чатырох палос да скрыжавання з вуліцай Паўднёвай.
Пасля сканчэння працаў на трэцім участку, з’явіцца магчымасць пабудовы двухузроўневай развязкі на скрыжаванні праспекта і вуліцы Паўднёвай. Развязка скіруе струмень аўтамабіляў у бок трасы М6 на будучай дарозе праз чыгуначны мост, які рэканструюецца пад аўтамабільны, а на першым роўні будзе арганізаваны кругавы рух.
Пашыраны ўчастак праспекта на ўсім працягу будзе ўладкаваны падзяляльнай паласой. Праект прадугледжвае, што пашырэнне дарогі і пабудова разразнога кола будуць выкананы за 6 месяцаў. Калі ўвесну пачнецца рэканструкцыя, то восенню 2019 можа быць здача аб’екта.
Працягваюцца праектныя працы на нядзейсным чыгуначным мосце, які стане часткай другога кола ў Гродне. На яго рэканструкцыю, а пасля і на масты Румлёўскі і на вуліцы Паповіча грошы плануе вылучыць Еўрапейскі банк рэканструкцыі і развіцця. У перспектыве да 2030 года ўсе яны будуць шасціпалоснымі.
Плануецца, што ў кожным раёне з’явіцца па дзве новыя пляцоўкі для выгулу хатніх жывёл. Адпаведны…
Гродзенскі абласны суд прызнаў Ежы Грыгенчу вінаватым паводле чатырох крымінальных артыкулаў. Яму прызначылі шэсць гадоў…
Блогер з Гродна Аляксей Саўко з ростам у 136 см апублікаваў фота ў футболцы “Команда…
Экран вышынёй 7 метраў з’явіўся на фасадзе гандлёва-забаўляльнага цэнтра Triniti на праспекце Янкі Купалы. Гэта…
Гродзенская вобласць страціла лідарскую пазіцыю па колькасці арганізаваных турыстаў. Цяпер сярод найбольш папулярных напрамкаў —…
Аперацыя праводзіцца на тэрыторыі Гродна і Гродзенскага раёна ў рамках камандна-штабных вучэнняў сілавікоў. На час…